რა უნდა ვიცოდეთ მენოპაუზაზე

მსგავს სიტუაციაში ციკლი იმდენად ქაოსური ხდება, რომ ძნელია, განსაზღვროთ, როდის დადგება მომდევნო მენსტრუალური პერიოდი, რამდენ ხანს გაგრძელდება, რამდენად ინტენსიური იქნება სისხლდენა და ასე შემდეგ. ასეთ გარდამავალ ფაზაში დაორსულება ძნელია, მაგრამ არა შეუძლებელი. არარეგულარულ მენსტრუაციას სიმსივნის საწინააღმდეგო მკურნალობაც იწვევს.

აღსანიშნავია ვაზომოტორული სიმპტომებიც, როგორებიცაა, ეგრეთ წოდებული, ალები და ღამით ოფლიანობა. პირველი მოულოდნელად, უმიზეზოდ შეხურებას გულისხმობს, რასაც შეიძლება, კანის გაწითლება და გულისცემის გახშირება, შემდეგ კი შემცივნება ახლდეს.

როცა ეს ღამით, ძილში ხდება, ოფლის გამოყოფასა და გამოღვიძებას განაპირობებს. ამგვარი ალების ხანგრძლივობა 1-დან 5 წუთამდეა, მისი სიმძლავრე კი ინდივიდუალურია. ზოგჯერ ეს ნიშნები ქალებს მენოპაუზის შემდგომ, წლების მერეც უვლინდებათ.

ძილის დარღვევა – ჩაძინების გაძნელება, ღამით გაღვიძება და, ზოგადად, უხარისხო, არასრულფასოვანი ძილი.

უხასიათობა – ჰორმონალური ცვლილებები გუნება-განწყობაზე პირდაპირ აისახება, ამიტომ მენოპაუზის დროს უხასიათობა ხშირია.

გულმავიწყობა – ეს სიმპტომი არა მარტო შუა ხნის ქალებში, კაცებშიც გვხვდება. მას მეხსიერების მცირედი ჩავარდნები ახასიათებს, როგორიცაა, მაგალითად, კონკრეტული სიტყვის ვერ გახსენება.

ლიბიდოს ცვლილება – ზოგ ქალს მენოპაუზის პარალელურად ლიბიდო უქვეითდება, ზოგს კი – პირიქით, სექსუალური მოთხოვნილება უმძაფრდება.

ფიზიკური ცვლილებები – კანის სიმშრალე, თმის გათხელება, წონის მატება, ცხიმის დაგროვება მუცლისა და წელის არეში, მოძრაობის გაძნელება და ასე შემდეგ.

ქალებს, რომლებსაც საკვები რაციონი D ვიტამინით, კალციუმითა და ჯანსაღი ცხიმებით ჰქონდათ გამდიდრებული, ადრეული მენოპაუზის ყველაზე დაბალი რისკი აღმოაჩნდათ. არსებობს მრავალი საკვები, რომლებიც ამ სასარგებლო ნივთიერებებით საკმაოდ მდიდარია:

რძის პროდუქტები – მათში ყველაზე მეტია კალციუმის შემცველობა, ასევე, მდიდარია სასარგებლო რძის ცხიმებით, რაც მნიშვნელოვანია D ვიტამინის შეწოვისთვის. შეეცადეთ ყოველდღე დალიოთ ერთი ჭიქა რძე ან მიირთვათ ხაჭო.

სარდინი – თევზი, რომელიც ამაგრებს ძვლებსა და სახსრებს, ასევე, დაგეხმარებათ ადრეული მენოპაუზის თავიდან აცილებაში: სტანდარტული ულუფა შეიცავს 370 მილიგრამ კალციუმს. ამას გარდა, კვირაში მხოლოდ ორ ულუფა თევზს შეუძლია საგრძნობლად შეამციროს ალცჰაიმერის დაავადების განვითარების რისკი.

ნუში – ჯანსაღი საკვები, რომელიც შეავსებს ცილების, ჯანსაღი ნახშირწყლების, ბოჭკოებისა და კალციუმის ნაკლებობას.

ყველი – რძის ცხიმი, კალციუმი და კიდევ 100 გრამი ყველი ფარავს D ვიტამინის ყოველდღიური მოთხოვნილების 3%-ს. ყველის რეგულარული მოხმარება ხელს უწყობს ინსულტის რისკის შემცირებას, სისხლძარღვებისა და გულის სიჯანსაღის შენარჩუნებას.

ბოსტნეული – ისპანახი, კომბოსტო, სალათის ფოთოლი მდიდარია არა მხოლოდ ანტიოქსიდანტური ბოჭკოებით, არამედ კალციუმითაც: მწვანე ბოსტნეულის ერთი თეფში შეიცავს 200-დან 400 მილიგრამამდე კალციუმს. ამიტომ მიირთვით დღეში ერთი ულუფა ჯანსაღი სალათა – და იქნებით ლამაზი და ჯანმრთელი.