მწვანე ვაშლის საოცარი თვისებები

მწვანე ვაშლი შეიცავს ისეთ ანტიოქსიდანტებს, როგორებიცაა: ფლავონოიდები და პოლიფენოლები. სწორედ ეს ნივთიერებები გვიცავს კიბოსაგან. გვეხმარება მადის კონტროლირებაში - მწვანე ვაშლი დაგანაყრებთ და ხელმეორედ ჭამას თავიდან აირიდებთ. ასტიმულირებს სასიცოცხლო ძალების მოზღვავებას - შეიცავს ნახშირწყლებს და ვინც აქტიურად ცხოვრობს და ჯანსაღი კვება მნიშვნელოვანია, მათთვის ძალიან სასარგებლოა. ენერგიის დიდი მუხტით აგავსებთ.

ვაშლს ოდითგანვე იყენებენ კანის მოვლის საშუალებად. ხილი ხასიათდება ანტისეპტიკური, მათეთრებელი და დამატენიანებელი თვისებებით. გამოიყენება ცელულიტისა და ნაოჭების წინააღმდეგაც. მწვანე ვაშლი, წითელთან შედარებით, ნაკლებ შაქარს შეიცავს და თქვენი თეთრი და ჯანმრთელი კბილებისთვის მეტად სასარგებლოა.

თუ ჭარბი წონისგან გათავისუფლების სურვილი გაქვთ, შეგიძლიათ მოამზადოთ მწვანე ვაშლის კოქტეილი, რომელიც მხოლოდ ზედმეტი კილოგრამებისგან კი არა, ორგანიზმში წლების განმავლობაში დაგროვილი შხამებისგანაც გაგათავისუფლებთ. ყველაზე სასიამოვნო კი ის არის, რომ შედეგს სულ მალე შენიშნავთ, – როგორც ვიზუალურად, ისე ჯანმრთელობის მდგომარეობის გაუმჯობესებით.

ეს ნატურალური წვენი ასუფთავებს ორგანიზმს წიდებისა და ტოქსიკური ნივთიერებებისგან, ამცირებს ქოლესტერინის დონეს ორგანიზმში და ინსულტს და ინფარქტს განვითარების შანსს არ უტოვებს.

კოქტეილის მოსამზადებლად საჭიროა მხოლოდ მწვანე ვაშლი, შვრიის ფანტელი და ლიმონი. ნაზავის ძირითადი ინგრედიენტი ვაშლია, რომელიც ეფექტურად არეგულირებს სხეულის მასას.

საჭირო ინგრედიენტები:

მწვანე ვაშლი — 2 ცალი, შვრიის ფანტელი — 125 გრამი, ლიმონი — 1 ცალი, მინერალური წყალი — 1/2 ლ.

კარგად გარეცხეთ და პატარა კუბიკებად დაჭერით ვაშლი. ბლენდერში ჩაასხით მინერალური წყალი, დაამატეთ ვაშლი და შვრიის ფანტელი, დააბლენდერეთ იქამდე, ვიდრე ერთგვაროვან მასას არ მიიღებთ. გამოწურეთ ლიმონი, წვენი კოქტეილს დაუმატეთ, ყველაფერი ერთმანეთს კიდევ ერთხელ შეურიეთ.

კოქტეილი დღეში ერთხელ უნდა მიიღოთ, 1 კვირის განმავლობაში. იმ შემთხვევაში, თუ ჭარბი წონისგან სრულად ვერ გათავისუფლდებით, ერთი კვირა შეისვენეთ და კურსი გაიმეორეთ.