ხაჭოს ტორტი-მუსი კენკრით
ავტორი: „თბილისელები“ 12:00 02.01, 2022 წელი
„თბილისელები“ გასწავლით, როგორ მოამზადოთ ხაჭოს ტორტი-მუსი კენკრით.
საჭირო ინგრედიენტები:
🔸 500 გრამი ხაჭო, 450 გრამი 35%-იანი ნაღები
🔸 ნახევარი ჭიქა შაქარი
🔸 30 გრამი ჟელატინი
🔸 400 გრამი კენკრის მიქსი (მაღაზიებში იყიდება გაყინული).
მომზადების წესი 👩🍳
ჟელატინი დაალბეთ ცივ წყალში 20-30 წუთის განმავლობაში. ნაღები და შაქარი გააცხელეთ ისე, რომ შაქარი გადნეს. ჟელატინს გადაუწურეთ ზედმეტი წყალი, ჩაამატეთ ცხელ ნაღებში და აურიეთ, უნდა გადნეს. ხაჭო მიქსერით ათქვიფეთ და ნელ-ნელა შეურიეთ ჟელატინიანი ნაღები. ფორმაში ჩაუფინეთ კულინარიული ცელოფანი და ძირზე სქელ ფენად, მჭიდროდ ჩაალაგეთ მშრალი კენკრა, ზემოდან დაადეთ ხაჭოს მასა და მაცივარში შედგით გამაგრებამდე, დაახლოებით, 5-6 საათი. შემდეგ, პარკიანად ამოიღეთ და თეფშზე გადმოაბრუნეთ. თუ ფორმას გვერდები ეხსნება, შეგიძლიათ, ჯერ ხაჭო ჩაასხათ, ხილი კი ზემოდან დაალაგოთ.
სიახლეები ამავე კატეგორიიდან