კარტოფილის, სტაფილოსა და ბროკოლის მობრაწულა
ავტორი: „თბილისელები“ 12:00 05.03, 2021 წელი
საჭირო ინგრედიენტები: 500 გრამი კარტოფილი, 300 გრამი სტაფილო, 400 გრამი ბროკოლი, 1 თავი ხახვი, 4 კბილი ნიორი, 40 გრამი სიმინდის სახამებელი (20 გრამი – კარტოფილში, 15 გრამი – სტაფილოში), მარილი და პილპილი – გემოვნებით, 3 სუფრის კოვზი ზეთი.
მომზადების წესი: ბროკოლი მოხარშეთ მარილწყალში, 3 წუთის განმავლობაში და გადაიტანეთ საწურზე. გათლილი კარტოფილი მოხარშეთ მარილწყალში, დატოვეთ მხოლოდ 50 მილილიტრი ნახარში, დანარჩენი გადაღვარეთ. მოხარშული კარტოფილისგან მოამზადეთ პიურე, დაუმატეთ ნახარში, 1 სუფრის კოვზი ზეთი, აურიეთ და გააგრილეთ. პიურეს დაუმატეთ 20 გრამი სიმინდის სახამებელი, პილპილი და 2 კბილი გატარებული ნიორი. ხახვი დაჭერით წვრილად და მოშუშეთ 2 სუფრის კოვზ ზეთში. დაუმატეთ არც ისე წვრილად გახეხილი სტაფილო და მოშუშეთ, სანამ სტაფილო არ დარბილდება. გააგრილეთ და დაუმატეთ 20 გრამი სიმინდის სახამებელი, 2 კბილი გატარებული ნიორი, ასევე, პილპილი და მარილი. კარგად აურიეთ. სილიკონის ფორმას წაუსვით ცხიმი, მოათავსეთ მასზე კარტოფილის პიურე, გაუკეთეთ მაღალი კიდეები, ზემოდან გაანაწილეთ ბროკოლი და კარგად დაპრესეთ, შემდეგ გაანაწილეთ სტაფილოს ფენა და ასევე, დაპრესეთ.
მოათავსეთ ფორმა 180 გრადუსზე გახურებულ ღუმელში და გამოაცხვეთ 30-35 წუთის განმავლობაში. მომზადებული კერძი გადმოაბრუნეთ სასურველ ჭურჭელზე ისე, რომ კარტოფილის ფენა ზემოდან მოექცეს.
სიახლეები ამავე კატეგორიიდან