უვიცობა VS ინტელექტი

- ბალახი ლურჯია.

ვეფხვმა ვირს უპასუხა:

- არა, ბალახი მწვანეა.

ვირსა და ვეფხვს შორის კამათი ისე გამწვავდა, რომ ამ ორმა გადაწყვიტეს, ამ საკითხით ცხოველთა მეფისთვის, ლომისთვის მიემართათ.

როდესაც ლომის საბრძანებელს მიუახლოვდნენ, ვირმა ყვირილი დაიწყო:

- თქვენო უმაღლესობავ, მართალია, რომ ბალახი ლურჯია?

ლომმა უპასუხა

- კი. ბალახი ლურჯია.

გახარებული ვირი გათამამდა და თქვა:

- ვეფხვი მეწინააღმდეგება და ამბობს ბალახი მწვანეა, ნერვებს მიშლის, კასტრაცია გაუკეთეთ და დასაჯეთ!

მეფემ გამოაცხადა, რომ ვეფხვი 5-წლიანი დუმილით დაისჯებოდა.

ვირიც მხიარულად გაუყვა თავის გზას და თან იმეორებდა ბალახი ლურჯია.

ვეფხვმა მიიღო თავისი სასჯელი, მაგრამ მანამდე ლომს მაინც ჰკითხა:

- თქვენო უდიდებულესობავ, რატომ დამსაჯეთ, თქვენც ხომ იცით, რომ ბალახი მწვანეა?

ლომმა უპასუხა:

- შენი დასჯა კითხვის გამო არ მომხდარა. არაფერ შუაშია, ბალახი მწვანეა, თუ ლურჯი. იმის გამო დაგსაჯე, რომ არ შეიძლება შენსავით მამაცი და ჭკვიანი არსება დროს კარგავდეს ვირთან კამათში.