იუმორი
კონსტანტინეს სატრფო
№43
ავტორი: „თბილისელები“ 11:00 05.11, 2023 წელი
აკაკი შანიძე და კონსტანტინე გამსახურდია ერთად სწავლობდნენ და ცხოვრობდნენ პეტერბურგში. მოგვიანებით კონსტანტინე გერმანიაში წავიდა სასწავლებლად. კონსტანტინეს გერმანიიდან პეტერბურგში გამოუგზავნია წერილი აკაკისთვის და სთხოვდა:
„მომიკითხე ჩემი სატრფო, დუნდუას ქალი მარო“.
აკაკის ვერ უნახავს ეს ქალი და ლექსი მიუწერია ბატონი კონსტანტინესთვის:
მოვიკითხო? რომ არ ვიცნობ
დონდუას ქალს, მაგ შენს მაროს,
ღმერთმა ტკბილად შეგაბეროს
და კეთილად მოგახმაროს.
შენ მანდ იყო, ის კი – აქა,
ვაი თუ ვინმე დაემუშტრა,
ეს ბუნების კანონია,
ამას ამბობს ზარატუშტრა.
სიახლეები ამავე კატეგორიიდან
