კვირის პროგნოზი 18 – 24 სექტემბერი
ავტორი: „თბილისელები“ 10:00 18.09, 2023 წელი
კვირის ასტროლოგიური პროგნოზი „თბილისელებისგან“ 👇
ვერძი ♈
მეტს იფიქრებთ საკუთარ ცხოვრებაზე, სამუშაოსა და ურთიერთობებზე, თუმცა კარდინალურად რაიმეს შეცვლას ჯერ ვერ შეძლებთ. ეცადეთ მეტად ყურადღებით იყოთ წვრილმანების მიმართ. უყურადღებოდ არ დატოვოთ საკუთარი ჯანმრთელობა.
კურო ♉
ყველაფერი წინასწარ დაგეგმეთ. საყვარელ ადამიანზე ზრუნვა, იდილიურ სასიყვარულო ატმოსფეროს შექმნის. ენერგია მოგემატებათ. ურთიერთობებში ადვილად აიცილებთ უსიამოვნებას, თუ გაითვალისწინებთ მეგობრების რჩევებს
ტყუპები ♊
ენერგიის მომატება ხელს შეუწყობს ახალ იდეები ჩამოყალიბებასა და ახალი კავშირების დამყარებას. ახალს ნურაფერს შეიძენთ და ნუ მიიღებთ მნიშვნელოვან გადაწყვეტილებას. კარგი დროა მოძველებული ურთიერთობებისა და გამოუსადეგარი ნივთებისგან გასათავისუფლებლად.
კირჩხიბი ♋
თაყვანისმცემლების რიცხვი გაიზრდება, რაც სასიყვარულო პარტნიორის უკმაყოფილებას გამოიწვევს. უჩვეულო ემოციური მოთხოვნილებები ცუდად აისახება ჯანმრთელობაზე. დაქვეითდება ფსიქოსომატური მდგომარეობაც, რაც მეტ ყურადღებასა და დასვენებას მოითხოვს.
ლომი ♌
მოგზაურობები და მოლაპარაკებები შესაძლოა გადაიდოს ან შეექმნას სერიოზული წინააღმდეგობები. სხვა დროისთვის გადადეთ მანქანის ან უძრავი ქონების შეძენაც. კარგი დროა იმიჯის შესაცვლელად. საყვარელი ადამიანი, გაახარეთ საჩუქრებით და თქვენც დიდ სიამოვნებას იგრძნობთ.
ქალწული ♍
ოჯახურ, სასიყვარულო და პარტნიორულ ურთიერთობებში მეტი მოთმინება გამოიჩინეთ. თავი შეიკავეთ ნაჩქარევი გადაწყვეტილებებისგან და გადაამოწმეთ მიღებული ინფორმაცია. კარგი დროა მკურნალობის დაწყებისთვის.
სასწორი ♎
განსაკუთრებულ მოგებას მოგიტანთ კომერცია და პირადი ბიზნესი. მოერიდეთ შორეულ მოგზაურობებს და ეცადეთ თავი შეიკავოთ ინტრიგებისა და საიდუმლო საქმიანობისაგან. საყვარელ ადამიანთან გაუგებრობები დროულად მოაგვარეთ. ყურადღება გმართებთ ჯანმრთელობის მიმართ.
მორიელი ♏
პროფესიულ სარბიელზე მრავალი ახალი იდეა გექნებათ, თუმცა წინასწარ აირჩიეთ მიზანიც და სამოქმედო ტაქტიკაც სასიყვარულო სფეროში ცვლილებებს ერიდეთ. დასასვენებლად გამგზავრება ან მივლინება კი, ოჯახის წევრებთან ერთად სჯობს.
მშვილდოსანი ♐
მოზღვავებული ენერგია შრომისა და შემოქმედებისკენ მიმართეთ. მეტი დრო დაუთმეთ სახლს, ბავშვებსა და საყვარელ ადამიანს და თავი აარიდეთ ბევრი ხალხის თავშეყრის ადგილებს. შორეული მოგზაურობა სჯობს გადადოთ.
თხის რქა ♑
დატვირთული და არაერთგვაროვანი პერიოდია. მეტი დრო დაუთმეთ ბავშვებთან ურთიერთობას. მათი წარმატებები თქვენთვის დიდი სტიმული იქნება. ეცადეთ, ეს დრო გამოიყენოთ ჯანმრთელობის გასაუმჯობესებლად და დასვენებისათვის.
მერწყული ♒
აქტიური და შედეგიანი პერიოდია. კარგი დროა ბინის შეცვლისა ან გალამაზებისთვის. დასახული გეგმების შეფერხებისას სჯობს გაამყაროთ ურთიერთობა უცხოელ პარტნიორებთან. შორეული მოგზაურობისგან სჯობს თავი შეიკავოთ.
თევზები ♒
მოემზადეთ ახალი პროექტების დასაწყებად და დროულად დაგეგმეთ მომავალი პერიოდი. უამრავი წვრილმანი პრობლემის მიუხედავად გაადვილდება მიზნის მიღწევა. შესაძლოა უცხოეთიდან მიიღოთ საჩუქარი ან სასიამოვნო ახალი ამბავი შეიტყოთ.
სიახლეები ამავე კატეგორიიდან
