შემწვარი ბრინჯი და ბოსტნეული (სამარხვო)
ავტორი: „თბილისელები“ 12:00 21.04, 2021 წელი
გემრიელი სამარხვო მენიუ „თბილისლებისგან“ 👇
საჭირო ინგრედიენტები: 100 გრამი ბრინჯი, ნახევარი თავი ხახვი, ნახევარი წითელი ბულგარული, მოზრდილი სტაფილოს ნახევარი, 2 კბილი ნიორი, 1 სადილის კოვზი ტომატ-პასტა, ნახევარი ჩაის კოვზი კორიანდრი, ტკბილი წიწაკა, 2 სადილის კოვზი ზეთი, ნახევარი ჩაის კოვზი მუსკატის კაკალი, სხვადასხვა პილპილი, ცოტა მარილი, კიდევ უფრო ცოტა შაქარი, 250 მილილიტრი წყალი, მწვანილი.
მომზადების წესი: ხახვი, ბულგარული წიწაკა და სტაფილო დაჭერით ძალიან წვრილად. ტაფაზე დაასხით ზეთი და კარგად გააცხელეთ. მოშუშეთ მასზე ჯერ ხახვი, შემდეგ, მასთან ერთად, დანარჩენი ბოსტნეულიც. შეურიეთ წვრილად დაჭრილი ნიორი და აურიეთ. დაუმატეთ ტომატ-პასტა, აურიეთ და ჩაშუშეთ. დაუმატეთ პილპილის ნაზავი, მუსკატის კაკალი, კორიანდრი, მარილი, შაქარი, წიწაკა და კარგად აურიეთ. ზემოდან თანაბარ ფენად მოაყარეთ ბრინჯი. დაასხით მდუღარე. მიიყვანეთ ადუღებამდე, ხარშეთ 25 წუთი და მობრაწეთ. ბოლოს მოაყარეთ დაჭრილი მწვანილი.
სიახლეები ამავე კატეგორიიდან