ორაგული მდოგვისა და თაფლის სოუსით სალომე შარვაძისგან
ავტორი: „თბილისელები“ 12:00 29.09, 2022 წელი
სალომე შარვაძე საყვარელი კერძის რეცეპტს ,,თბილისელებს" უზიარებს 👇
გურმანი ვარ და ამის გამო წონას გამუდმებით ვებრძვი. ადვილად ვიმატებ ზედმეტ კილოგრამებს და მიწევს კონტროლი, რომ წონა არ გამექცეს და მერე პრობლემა არ შემექმნას. ახლაც დიეტაზე ვარ. წარმოშობით იმერელი ვარ და კეთება რომ არ მეხერხებოდეს, სირცხვილიცაა. „სამზარეულოს ომებშიც“ ვიღებდი მონაწილეობას და იქაც ვაჩვენე ჩემი კულინარიული შესაძლებლობები. თუმცა, იმის დრო არ მრჩება, რომ სახლში, სამზარეულოში ვიფუსფუსო. ახლა კი შემოგთავაზებთ ორაგულის მომზადებას კარტოფილითა და სოკოთი, რომელიც ძალიან მსუბუქი და გემრიელია.
საჭირო ინგრედიენტები:
🔸 450 გრამი კარტოფილი
🔸 230 გრამი ქამა სოკო
🔸 3 სადილის კოვზი ზეითუნის ზეთი
🔸 550 გრამი კანგაცლილი ორაგულის ფილე
🔸 1 ჩაის კოვზი წითელი ღვინის ძმარი
🔸 1 სუფრის კოვზი მარცვლოვანი მდოგვი
🔸 1 ჩაის კოვზი თაფლი
🔸 ნახევარი კონა დაჭრილი ოხრახუში
🔸 მარილი და პილპილი – გემოვნებით.
მომზადების წესი 👩🍳
გააცხელეთ ღუმელი. საცხობ ლანგარზე აურიეთ შუაზე გაჭრილი კარტოფილი, სოკო, 1 სუფრის კოვზი ზეთი და ნახევარი ჩაის კოვზი მარილი და პილპილი. კარგად შეწვით – დაახლოებით, 20 წუთი. ბოსტნეული ლანგრის კიდეებისკენ გადაანაწილეთ და შუაში ორაგული მოათავსეთ. შეაზავეთ მეოთხედი ჩაის კოვზი მარილითა და პილპილით. შეწვით, სანამ ორაგული თანაბრად არ გადაიბრაწება, სოკო დარბილდება და კარტოფილები ოქროსფრად არ შეიფერება, დაახლოებით 12-15 წუთი დასჭირდება. თასში ერთად ათქვიფეთ ძმარი, მდოგვი, თაფლი, ოხრახუში, 2 სადილის კოვზი ზეთი და მეოთხედი ჩაის კოვზი მარილი და პილპილი. მიღებული ნაზავი ორაგულსა და ბოსტნეულს სუფრაზე მიტანის წინ მოასხით.
გემრიელად მიირთვით!
სიახლეები ამავე კატეგორიიდან