ხორცის არომატული ღვეზელი
ავტორი: „თბილისელები“ 12:00 23.03, 2021 წელი
გემრიელი ხორცის ღვეზელის რეცეპტი ,,თბილისელებისგან" 👇
საჭირო ინგრედიენტები: 800 გრამი ფენოვანი ცომი, 600 გრამი მოხარშული ხორცი, 150 გრამი რბილი ყველი, 50 გრამი ბეკონი, 150 გრამი წითელი ბულგარული წიწაკა, 100 გრამი ხახვი, 1 კბილი ნიორი, 4 სადილის კოვზი ზეითუნის ზეთი, ნახევარი კონა კამა, 2 სადილის კოვზი ნიგოზი, 400 გრამი ქამა სოკო, 3 სადილის კოვზი სოიის სოუსი, მარილი, შავი პილპილი, ცოტა მშრალი სუნელი. კვერცხი ან რძე – ზემოდან წასასმელად.
მომზადების წესი: მოხარშეთ ხორცი და დააქუცმაცეთ. დაუმატეთ გახეხილი ყველი. კარგად გაცივებული ბეკონი გახეხეთ ან წვრილად დაჭერით. ხახვი და ნიორი დააქუცმაცეთ. დაუმატეთ წვრილად დაჭრილი ბულგარული წიწაკა, აუიეთ და მოშუშეთ ორი-სამი წუთი. დაუმატეთ სოკო, ბეკონი, სუნელი, შავი პილპილი და სოიის სოუსი, კიდევ მოშუშეთ და გადმოდგით ცეცხლიდან. შეურიეთ ერთმანეთს ხორცი, ყველი, ჩაშუშული ბოსტნეული. დაუმატეთ წვრილად დაჭრილი კამა და დაქუცმაცებული ნიგოზი.
გამოსაცხობ ტაფას წაუსვით ზეთი და დადეთ მასზე თხლად გაბრტყელებული ცომი. ზედაპირზე წაუსვით ხორცის შიგთავსი. გადააფარეთ ცომის მეორე ფენა. ამოუკეცეთ ნაპირები. დაჭერით ულუფებად. წაუსვით რძე ან კვერცხის გული. გამოაცხვეთ 200 გრადუსზე 35-40 წუთის განმავლობაში.
სიახლეები ამავე კატეგორიიდან