ბეკონის სალათა გერმანულად
ავტორი: „თბილისელები“ 12:00 23.02, 2021 წელი
საჭირო ინგრედიენტები: 500 გრამი კარტოფილი, 2 თავი წითელი ხახვი, 200 გრამი უცხიმო ძეხვი, 120 გრამი ბეკონი, 500 გრამი კიტრის მწნილი, 4 სადილის კოვზი ძმარი, 1 სადილის კოვზი ყავისფერი შაქარი, ერთი კონა ოხრახუში, მარილი, შავი პილპილი – გემოვნებით, ზეთი.
მომზადების წესი: კარტოფილი გათალეთ, დაჭერით და მოხარშეთ. გადაიტანეთ საწურზე. ბეკონი დაჭერით, მოხრაკეთ მშრალ, ცხელ ტაფაზე და გადმოიტანეთ თასზე. ძეხვი დაჭერით მომცრო კუბიკებად, ხახვი კი – თხელ ნახევარრგოლებად და ერთად მოშუშეთ იმ ტაფაზე, რომელზეც ბეკონი მოხრაკეთ. მოაყარეთ დაჭრილი ოხრახუში და აურიეთ. დაუმატეთ შაქარი, მარილი, დაასხით ძმარი. აცალეთ ჩაიშუშოს. აურიეთ. როდესაც ძმარი ამოშრება, დაუმატეთ კარტოფილი და აურიეთ. ცოტა რომ დაიბრაწება, გადმოდგით. გადაიტანეთ თასში. დაუმატეთ დაჭრილი კიტრის მწნილი, ასევე, ბეკონი, მოაყარეთ ცოტა პილპილი. კიდევ აურიეთ და მზად არის.
სიახლეები ამავე კატეგორიიდან