ხაჭოს დესერტი შოკოლადით
ავტორი: „თბილისელები“ 12:00 28.03, 2021 წელი
ხაჭოს დესერტი „თბილისელებისგან“ 👇
საჭირო ინგრედიენტები: 220 გრამი ხაჭო, 100 გრამი რბილი ყველი, 130 გრამი იოგურტი, 3 სადილის კოვზი ყავისფერი შაქარი, 15 გრამი ჟელატინი, 60 გრამი წყალი, 20 გრამი შავი შოკოლადი.
მინანქარი: 40 მილილიტრი რძე, 40 გრამი შავი შოკოლადი.
მომზადების წესი: ხაჭო, რბილი ყველი, შაქარი, იოგურტი დააბლენდერეთ. გახეხეთ შავი შოკოლადი. ჟელატინი დაალბეთ წყალში, შემდეგ გაადნეთ ცხელი წყლის აბაზანაზე და ჩაასხით ხაჭოს მასაში. აურიეთ კარგად. აიღეთ 12-13 დიამეტრის ზომის ფორმა. ჩააფინეთ მასში გამოსაცხობი ქაღალდი. ჩაასხით 2-3 სადილის კოვზი ხაჭოს მასა. მოაყარეთ გახეხილი შოკოლადი. ისევ ხაჭოს მასა და ისევ მოაყარეთ შოკოლადი. მოათავსეთ დესერტი მაცივარში. სამი საათის შემდეგ გამოიღეთ. გადმოატრიალეთ ლანგარზე. მოასხით ოდნავ შეგრილებული მინანქარი.
– ცხელ რძეში გაადნეთ შავი შოკოლადი და აურიეთ კარგად. ერთგვაროვან მასად რომ იქცევა, მოასხით დესერტს. ჰაეროვანი და უგემრიელესია.
სიახლეები ამავე კატეგორიიდან