ქათმის ფილე ბადრიჯნითა და ყველით
ავტორი: „თბილისელები“ 12:00 17.04, 2021 წელი
გემრიელი რეცეპტები „თბილისელებისგან“ 👇
საჭირო ინგრედიენტები: 500 გრამი სიბრტყეზე და შუაზე გაჭრილი ქათმის ფილე, 100 გრამი ყველი, 2 ცალი თხელ ფირფიტად დაჭრილი ბადრიჯანი, 2 კბილი ნიორი, 2 სუფრის კოვზი რძე, 1 კვერცხი, 200 გრამი საფანელი, 40 გრამი ფქვილი, 2 ცალი პომიდორი, ზეითუნის ზეთი, 1 კონა რეჰანი, მარილი და პილპილი – გემოვნებით.
მომზადების წესი: ფქვილი და საფანელი ცალ-ცალკე თეფშზე მოათავსეთ. ფქვილს დაამატეთ მარილი და პილპილი. ერთად ათქვიფეთ კვერცხი, რძე და დაჭრილი ნიორი. ქათმის ნაჭრები ამოავლეთ ჯერ ფქვილში, შემდეგ – კვერცხში და ბოლოს – საფანელში.
ტაფაზე გააცხელეთ ზეთი და შეწვით ფილე ორივე მხრიდან. ბადრიჯნის ნაჭრებს მოაყარეთ მარილი და პილპილი, შეწვით ზეთში ორივე მხრიდან. ქათმის ფილეს ყოველ ნაჭერზე დაადეთ ბადრიჯანი, პომიდორი, მოაყარეთ ზემოდან რეჰანი და შემდეგ გახეხილი ყველი. შედგით 180 გრადუსზე გახურებულ ღუმელში 10 წუთით, სანამ ყველი დადნება.
სიახლეები ამავე კატეგორიიდან