ქათმის კატლეტები არაჟნის სოუსით
ავტორი: „თბილისელები“ 12:00 16.06, 2022 წელი
„თბილისელები“ გასწავლით, როგორ მოამზადოთ ქათმის კატლეტები არაჟნის სოუსით.
საჭირო ინგრედიენტები:
🔸 500 გრამი ქათმის ფარში
🔸 100 გრამი თეთრი პური
🔸 1 თავი ხახვი
🔸 100 მილილიტრი რძე
🔸 2 სუფრის კოვზი არაჟანი
🔸 1 სუფრის კოვზი ტომატ-პასტა
🔸 მარილი, შავი პილპილი, პაპრიკა და ხმელი სუნელი - გემოვნებით, ზეთი.
მომზადების წესი 👩🍳
გაატარეთ ხორცსაკეპში ან დააბლენდერეთ ხახვი და რძეში დამბალი, შემდეგ კი გაწურული პური. დაუმატეთ ქათმის ფარშს, მოაყარეთ მარილი, პილპილი და პაპრიკა და კარგად აურიეთ.
წაუსვით ღუმელის საცხობ ფორმას ზეთი, დაისველეთ ხელები ცივ წყალში და გააკეთეთ ფარშისგან კატლეტები. დაალაგეთ ფირფიტაზე. შეწვით 180 გრადუსზე გახურებულ ღუმელში 20 წუთის დანმავლობაში.
მოამზადეთ სოუსი: არაჟანში აურიეთ ტომატ-პასტა, ხმელი სუნელი, პაპრიკა და მარილი. თუ სოუსი ძალიან სქელი გამოვიდა, შეგიძლიათ, ცოტა წყალი დაამატოთ. მოასხით კატლეტებს და შეაბრუნეთ ღუმელში კიდევ 20-25 წუთი.
გემრიელად მიირთვით!
სიახლეები ამავე კატეგორიიდან