როგორ ავრცელებდნენ პროკლამაციებს არალეგალი „ედეპეელები“
ავტორი: „თბილისელები“ 23:00 16.11, 2021 წელი
ირაკლი ქადაგიშვილი:
„გასული საუკუნის 80-იან წლებში გია ჭანტურიამ, მამუკა გიორგაძემ, მე და ჩვენმა მეგობრებმა „ედეპე“ რომ ჩამოვაყალიბეთ, პროკლამაციების გავრცელებით დავიწყეთ. კუთხოვანი ასოებით ქაღალდზე ვწერდით ტექსტებს. შემდეგ ფოტოებს ვუღებდით და ვბეჭდავდით ბევრს, რომ შემდეგ სხვადასხვა ხალხმრავალი შენობების სახურავებიდან გადმოგვეყარა. იმ პერიოდში ზვიადი და მერაბი დაპატიმრებულები იყვნენ და დავწერეთ: თავისუფლება მერაბს და ზვიადს და წავედით გადმოსაყრელად. მე სამედიცინო ინსტიტუტი შემხვდა. ავიპარე სახურავზე, „დაპაჩკული“ სურათები გავუშვი და იმის მაგივრად, რომ გაშლილიყო, ბეტონის ნაგლეჯივით დაებერტყა ასფალტზე. იგივე დაემართათ სხვებსაც. თურმე საბჭოთა ფოტოქაღალდი ერთმანეთზე ეწებებოდა და შემდგომ მათ ზეთს ვუსვამდით გასაშლელად...“
სიახლეები ამავე კატეგორიიდან
