ეს საინტერესოა
ავტორი: „თბილისელები“ 23:00 27.03, 2021 წელი
* მეორე მსოფლიო ომის დროს არავის უნდოდა ამერიკული კომპანიის Western Union-ის სახელის გაგონება, ეშინოდათ, თუმცა ის მხოლოდ თავის საქმეს აკეთებდა – დეპეშების გაგზავნა-მიღებას. ომის დროს კი ცნობები, ძირითადად, დაღუპვის შესახებ მიდიოდა.
* რომის გადარჩენის აღნიშვნის დღეს ძველი რომაელები ქუჩებში დაატარებდნენ ჯვარზე გაკრულ ძაღლს, ყვავილებით მორთულ ოქროს გალიაში კი – რა თქმა უნდა, ბატს. მისმა წინაპრებმაც ხომ თავი გამოიჩინეს 390 წელს ჩვენს წელთაღრიცხვამდე, სწორედ მათ გადაარჩინეს რომი.
* მეჩვიდმეტე საუკუნეში ოლივერ კრომველმა დღესასწაულების აღნიშვნის საწინააღმდეგო კამპანია წამოიწყო. როგორც ის ამბობდა, მხიარულება მხოლოდ ქარაფშუტობა და ფლანგვააო. რა თქმა უნდა, არ ცხვებოდა ნამცხვრებიც. თუმცა მოგვიანებით კონექტიკუტის შტატში ერთი დღესასწაული განსხვავებულად აღინიშნებოდა და ქალები პატრიოტიზმს ნამცხვრებით გამოხატავდნენ – ხმების მოსაზიდად ამომრჩევლებს ნამცხვრებით უმასპინძლდებოდნენ.
სიახლეები ამავე კატეგორიიდან
