მოძღვარი გვირჩევს

პასუხი: ღვთისადმი სიყვარულის გამოვლინებას თავისი წესი აქვს. როცა ეს წესი ხელოვნურად გადამეტებით ფორმას იღებს, გარეგნული ეფექტებით გადაჭარბებულად ვლინდება, სწორი არ არის. სიყვარული მოკრძალებულებითა და რიდით უნდა გამოიხატებოდეს. ადამიანის შინაგანი მდგომარეობის ხაზგასმული გამომზეურება იმ გარემოში, რომელიც შინაგან ფაქიზ მდგომარეობას არ შეესაბამება, საჭირო არ არის. თვით ღვთისმსახურსაც არ შეეფერება წირვა-ლოცვის დროს უფლის მიმართ თავისი დამოკიდებულება არაზომიერად გამოავლინოს, თუნდაც იმ მიზნით, რომ მრევლს განწყობა შეუქმნას. უფალი ისედაც ყველაფერს ხედავს და არც მოკრძალებით გამოხატული თაყვანისცემა დარჩება შეუმჩნეველი.

კითხვა: როგორ უნდა იყოს განხორციელებული მტრის სიყვარული რეალურ ცხოვრებაში?

პასუხი: მტრისადმი სიყვარულის გამოსავლენად საჭიროა, ვაპატიოთ მათ მთელი გულით, დავეხმაროთ გაჭირვებაში და ვილოცოთ მათთვის.

კითხვა: როდის არის მრისხანება მართებული?

პასუხი: მრისხანება მაშინაა მართებული, თუ ის მიმართულია ცოდვისკენ – რჯულის დარღვევის, დანაშაულის წინააღმდეგ და ჩვენში ბუნებრივად გამოიწვევა, უპირველესად, როგორც უფლის დიდებისადმი მოშურნეობის ნაყოფი, რასაც თან ახლავს არა ბოროტება და სიძულვილი, არამედ მოყვასის თანაგრძნობა და სიყვარული. თანაც, აქვს ერთადერთი მიზანი – ცოდვილის ხსნა. ყველა სხვაგვარი მრისხანება ცოდვაა.

კითხვა: რით გამოხატავს ადამიანი უფლის სიყვარულს რეალურ ცხოვრებაში?

პასუხი: ადამიანი უფლის მიმართ თავის სიყვარულს ათი მცნების ერთგულ და გულმოდგინე დაცვით გამოხატავს.