ზღვის მარილი მოშვებული კანის პრობლემას მოგიგვარებთ

სახის კანის დამამშვიდებელი ნიღაბი – 1 სადილის კოვზი არაჟანი, 1 სადილის კოვზი კეფირი და 1 ჩაის კოვზი თაფლი, ერთგვაროვანი მასის მიღებამდე აურიეთ. დაუმატეთ 1 ჩაის კოვზი დაქუცმაცებული ზღვის მარილი და დაიდეთ სახეზე, 15 წუთის შემდეგ ჩამოიბანეთ და წაისვით თქვენი კანის შესაბამისი კრემი.

მოშვებული კანის გამამკვრივებელი ნიღაბი – 1 ჩაის კოვზ დაქუცმაცებულ ზღვის მარილს დაუმატეთ 1 სადილის კოვზი ზეითუნის ზეთი და 2 ჩაის კოვზი თაფლი. კარგად აურიეთ და დაიდეთ სახეზე. 15 წუთის შემდეგ ჩამოიბანეთ თბილი წყლით და წაისვით მკვებავი კრემი.

სახის კანის მკვებავი ნიღაბი – 1 კვერცხის გული და 1 სადილის კოვზი მანანის ბურღული ათქვიფეთ, დაუმატეთ 1 ჩაის კოვზი ზღვის მარილი და თხევადი თაფლი. წაისვით სახეზე ყოველ საღამოს, გაიჩერეთ 1 საათით და შემდეგ ჩამოიბანეთ.

გამწმენდი ნიღაბი – 1 სადილის კოვზი ზღვის მარილი, 1 სადილის კოვზი სოდა და 1 სადილის კოვზი კეფირი აურიეთ ისე, რომ სქელი ფაფა მიიღოთ. წაისვით სუფთა სახეზე შავი წერტილების ადგილას და დაიტოვეთ 10 წუთის განმავლობაში. შემდეგ ჩამოიბანეთ და წაისვით მკვებავი კრემი.

ასეთი ნიღბები გაიკეთეთ კვირაში 2-ჯერ.

კვირაში ერთხელ კარგია მარილიანი სპა პროცედურის ჩატარება:

სახის კანის გასაახლებელი ზღვის მარილის კომპრესი – 1 ლიტრ მდუღარე წყალში გახსენით 2 სადილის კოვზი ზღვის მარილი. დაასველეთ გაგრილებულ ხსნარში ბამბის პირსახოცი, ოდნავ გაწურეთ და ყელსა და სახეზე დაიდეთ. გაიჩერეთ 5 წუთით, შემდეგ პირსახოცი კვლავ დაასველეთ და ისევ 5 წუთით გაიჩერეთ. კომპრესი აუმჯობესებს სისხლის მიმოქცევას, არბილებს გარქოვანებულ ადგილებს, რომელთაც შემდგომ მარილიანი სკრაბის საშუალებით ადვილად მოიშორებთ და მიიღებთ სრულად განახლებულ კანს.

სახის დამატენიანებელი ზღვის მარილის სკრაბი – 1 სადილის კოვზი ზეითუნის ზეთი შეურიეთ 1 სადილის კოვზ ზღვის წვრილ მარილს, დაიდეთ კანზე და სახე თითებით დაიმასაჟეთ. შემდეგ კი თბილი წყლით ჩამოიბანეთ. ამ პროცედურის წყალობით ხდება კანის ღრმა მინერალიზაცია, დატენიანება, ლიფტინგის ეფექტი და სახის ფერის გაუმჯობესება.