ზამთრის ფეხსაცმლის ტარების შემდეგ, ქუსლები განსაკუთრებულ მოვლას საჭიროებს

ზოგადად, ქუსლები ყოველდღიურად კოლოსალურ დატვირთვას განიცდის, რის შედეგადაც კანი სხეულის ამ მიდამოში უხეშდება და რქოვანდება. თუ პრობლემას დროულად არ მივხედავთ, შესაძლოა, თავი იჩინოს ბზარების ფორმირების პრობლემამაც, რაც უდიდეს ტკივილთან და დისკომფორტთანაა დაკავშირებული.

* სოდისა და საპნის აბაზანა – 3 ლიტრ თბილ წყალში, გახსენით 2 სადილის კოვზი საჭმელი სოდა და 2 სადილის კოვზი გახეხილი სარეცხი საპონი. ამ აბაზანაში ჩაყავით ფეხები 10 წუთით. გაიმეორეთ პროცედურა ყოველ საღამოს სასურველი შედეგის მიღებამდე;

* სოდისა და ზეთების აბაზანა – თუ ფეხის კანის დარბილება და დატენიანება გსურთ, ეს მარტივი პროცედურა აუცილებლად დაგეხმარებათ: 3 ლიტრ თბილ წყალში დაამატეთ 2 სადილის კოვზი საჭმელი სოდა და რამდენიმე წვეთი იმ ეთერზეთების ნარევი, რომლებიც სახლში მოგეპოვებათ – ზეითუნის, ლიმონის, ფორთოხლის, ლავანდისა და ნუშის ზეთი. მზა აბაზანაში გქონდეთ ფეხები 10 წუთის განმავლობაში. გაიმეორეთ პროცედურა ყოველ საღამოს, სასურველი შედეგის მიღებამდე;

* რძის აბაზანა – იმისთვის, რომ თქვენი ქუსლები იდეალურად გლუვი გახდეს, მოიშოროთ კოჟრები და ბზარები, 1 ლიტრ თბილ წყალში გახსენით 1 ლიტრი თბილი რძე, დაამატეთ 1 ჩაის კოვზი საჭმელი სოდა და მიღებულ აბაზანაში ჩაყავით ფეხები 10 წუთით;

* სოდისა და წყალბადის ზეჟანგის აბაზანა – ბზარებისგან კვალიც რომ არ დარჩეს, მოამზადეთ შემდეგნაირი აბაზანა: თბილ წყალში გახსენით 2 სადილის კოვზი საჭმელი სოდა, 2 სადილის კოვზი წყალბადის ზეჟანგი და ჩაყავით ფეხები 15 წუთით;

* იოდის აბაზანა – ფეხის კანის ნებისმიერი დაზიანება წარსულში რომ დარჩეს, 2 ლიტრ თბილ წყალში გახსენით 2 სადილის კოვზი საჭმელი სოდა, 2 სადილის კოვზი იოდი და მიღებულ აბაზანაში მოათავსეთ ფეხები 10 წუთის განმავლობაში. ჩაიტარეთ პროცედურა ყოველ საღამოს, სასურველი შედეგის მიღებამდე;

* ასპირინისა და ლიმონის ნიღაბი – მოგაშორებთ გარქოვანებულ კანსა და ბზარებს: 6 აბ ასპირინს დაუმატეთ 1 ჩაის კოვზი ლიმონის წვენი და 1 ჩაის კოვზი წყალი. მიღებული მასით კარგად დაიმუშავეთ ქუსლებისა და ფეხისგულების კანი. შემოიხვიეთ პოლიეთილენის პარკი და ამოიცვით წინდები. 10 წუთის შემდეგ კი დაიბანეთ ფეხები გრილი წყლით და წაისვით დამატენიანებელი კრემი. ჩაიტარეთ ეს პროცედურა დღეგამოშვებით, ორი კვირის განმავლობაში.