თევზის დიეტა

დიეტის განმეორება რეკომენდებულია რვა კვირის შემდეგ.

პირველი დღე

საუზმე – 150 გრამი ორთქლზე მომზადებული თევზი, 150 გრამი უცხიმოდ, ცოტაოდენი წყლის დამატებით მოშუშული კომბოსტო, უშაქრო ჩაი.

სადილი – 200 გრამი ბოსტნეულის წვნიანი.

სამხარი – ნებისმიერი დაბალკალორიული ხილი.

ვახშამი – 150 გრამი მოხარშული თევზი და სტაფილოს სალათა, რომელიც ასე უნდა მოამზადოთ: 3 ცალ გახეხილ სტაფილოს მოასხით ცოტა ძმარი და ზეთი, დაუმატეთ წვრილად დაჭრილი ხახვი, ნიორი და ცოტა ხმელი ქინძი.

მეორე დღე

საუზმე – 150 გრამი მოხარშული თევზი, უშაქრო ჩაი და რამდენიმე შავი ქლიავის ჩირი.

სადილი – 2 ცალი თევზის კატლეტი და კომბოსტოს მწნილი.

სამხარი – ნებისმიერი დაბალკალორიული ხილი.

ვახშამი – 200 გრამი მოხარშული თევზი და ხილის ახალგამოწურული უშაქრო წვენი.

მესამე დღე

საუზმე – 150 გრამი მოხარშული თევზი და უშაქრო ჩაი.

სადილი – 1 ულუფა უხორცო ბორში.

სამხარი – ნებისმიერი დაბალკალორიული ხილი.

ვახშამი – 100 გრამი მოხარშული თევზი, უშაქრო ჩაი ერთ ჩაის კოვზ თაფლთან ერთად.

მეოთხე დღე

საუზმე – 150 გრამი მოხარშული თევზი, 1 ცალი ბოლოკი, ერთი ნაჭერი ტოსტერში გახუხული პური და უშაქრო ჩაი.

სადილი – 200 გრამი თევზის წვნიანი, მწვანე სალათის ფურცლები.

სამხარი – 1 ნაჭერი მოხარშული თევზი და 2 ცალი კიტრი.

ვახშამი – 2 ცალი თევზის კატლეტი, 200 გრამი მოშუშული სტაფილო ხახვით.