როგორ უნდა დაიტენიანოთ სწორად, ხვეული თმა

* ხვეულ თმაზე ზრუნვის დაწყებისას, პირველ რიგში, ყურადღება უნდა მიაქციოთ შამპუნის არჩევას. ხვეული თმისთვის განკუთვნილი შამპუნი სხვებისგან მნიშვნელოვნად განსხვავდება. ასეთ შამპუნებში საკმაო რაოდენობის ზეთია – ჟოჟობას, ნუშისა და ასე შემდეგ. ისინი თმის გაძლიერებას უწყობენ ხელს, კვებავენ თავის კანს და ცხიმის ჯირკვლის მუშაობას არეგულირებენ. არავითარ შემთხვევაში არ უნდა აირჩიოთ შამპუნი, რომელიც თმას მოცულობას მიანიჭებს. სილიკონები, რომლებსაც ასეთი საშუალებები შეიცავენ, თმას ტენს ართმევენ, კიდევ უფრო მტვრევადს ხდიან და აფუებენ;

* შამპუნის გარდა, თქვენ გჭირდებათ დამატებითი საშუალება ბალზამისა და კონდიციონერის სახით. ისინი თმის ხვეულებს გაასწორებენ და არ დამუხტავენ. ასევე, დაგიცავენ ბოლოების გაყოფისგან;

* ხუჭუჭა თმისთვის კარგია ისეთი პროცედურა, როგორიცაა ლამინირება. ეს უკანასკნელი თმის არა მხოლოდ გარეგნულ მხარეს აუმჯობესებს, არამედ აჯანსაღებს და უფრო დამყოლს ხდის მას, მატებს ბრწყინვალებას, დაზიანებულ თმას სიცოცხლეს უბრუნებს.

ლამინირება სახლის პირობებშიც შეგიძლიათ ჩაიტაროთ, ჟელატინის დახმარებით. ასეთი პროცედურა თმის ბევრ პრობლემას მოგაშორებთ – დაზიანებულ, გაყოფილ ბოლოებს, თხელ და მტვრევად ხვეულებს და თმას, სიძლიერესა და ბრწყინვალებას მიანიჭებს. ამისთვის დაგჭირდებათ 1 გრამი ჟელატინი, 3 სადილის კოვზი ადუღებული და შემდეგ გაგრილებული წყალი, ნახევარი სადილის კოვზი თმის ბალზამი და 1 ჩაის კოვზი ლიმონის წვენი. ჟელატინს დაუმატეთ გაგრილებული მდუღარე წყალი და კარგად აურიეთ. თავსახური დაახურეთ და 20 წუთი გააჩერეთ გასაფუებლად. მიღებულ ნარევს დაუმატეთ თმის ბალზამი, რომელსაც ჩვეულებრივ, თმის დაბანის დროს იყენებთ, შემდეგ კი – ლიმონის წვენი. თმა წინასწარ შამპუნით ჩამოიბანეთ, შემდეგ პირსახოცით შეიმშრალეთ ისე, რომ თმა ოდნავ სველი დარჩეს და წაისვით ნარევი. შემოიხვიეთ პოლიეთილენის პარკი, ზემოდან კი – პირსახოცი. გაიჩერეთ 1 საათი და შემდეგ თბილი წყლით ჩამოიბანეთ.

მოცემული პროპორციები მოკლე თმაზეა გათვალისწინებული. ხოლო, გრძელი ხვეული თმის მქონე ადამიანებმა, რაოდენობა უნდა გაზარდონ.

ასე რომ, ცოტაოდენი ძალისხმევა და თქვენი ხვეული თმა, დამყოლი და ბრწყინვალე გახდება.