როგორ გავხადოთ თმა მბზინვარე და დამყოლი

ბევრი ადამიანი, ყოველდღიურად იბანს თმას. მიუხედავად იმისა, რომ დაბანის შემდეგ თმა შესანიშნავად გამოიყურება, შამპუნის ხშირი მოხმარება დროთა განმავლობაში აზიანებს მას.

თუ თხელი და ნაზი თმა გაქვთ, შესაძლოა, ფიქრობთ, რომ მისი ყოველდღიური დაბანა საჭიროა. ამის მიზეზი ისაა, რომ თმის თხელი ძირი, ადვილად იფარება ცხიმით და შესაბამისად, თმა ადვილად ცხიმიანდება. მშრალი ან ხვეული თმის შემთხვევაში, მისი დაბანა უფრო იშვიათადაა საჭირო. ხოლო თუ თქვენი თმა ცხიმიანია, გახსოვდეთ, რომ ცხიმი, რომელსაც თქვენი თავის კანი წარმოქმნის, რეალურად აუცილებელია თმის ღერების ჯანმრთელობისა და სილამაზისთვის. ასე რომ, ყოველდღიური დაბანა თმის დაზიანებას იწვევს – თმა მთლიანად კარგავს ბუნებრივ ზეთებს, ის ხდება უხეში, მშრალი და რთულად დასავარცხნი. გარდა ამისა, გამომშრალი თავის კანი კიდევ უფრო მეტი ცხიმის გამომუშავებას იწყებს. ამიტომ, რეკომენდებულია თმა, მხოლოდ 2-3 დღეში ერთხელ დაიბანოთ, რათა თავიდან აიცილოთ გაცხიმიანება და თავის კანის გაღიზიანება.

თუ, თმის საშრობებს და სხვადასხვა სპრეებს ხშირად იყენებთ, დროთა განმავლობაში, თმა უფრო სუსტი და თხელი გახდება. ასევე, ისეთი პროდუქტები, როგორებიცაა ცვილი, გელი და სპრეი, დაგეხმარებათ ვარცხნილობის შენარჩუნებაში. მაგრამ თუ ხანგრძლივად იყენებთ ამ საშუალებებს, შესაძლოა თქვენს სკალპზე დაგროვდეს და ქავილი გამოიწვიოს. ამიტომ, მათი ხმარების შემდეგ, კარგად ჩამოიბანეთ თავის კანი.

თუ თმა შეღებილი გაქვთ და გსურთ, რომ ახალი ფერი დიდხანს დარჩეს ცოცხალი, თმა უფრო იშვიათად დაიბანეთ. შამპუნის კვირაში 2-3-ჯერ გამოყენება, საკმარისია თმის სისუფთავისა და ცოცხალი ფერის შენარჩუნებისთვის.