მოშვებული სახის კანის დასაჭიმი კარტოფილის ნიღბები

👉ლიფტინგი კარტოფილითა და თაფლით – აახლებს, კვებავს, ჭიმავს კანს, ტონუსში მოჰყავს ის და აგლუვებს ნაოჭებს. კანიანად მოხარშული კარტოფილისგან მოამზადეთ პიურე. შეურიეთ თითო სუფრის კოვზი თბილი რძე და ზეითუნის ზეთი. მიღებულ მასას დაუმატეთ 1 ჩაის კოვზი ნატურალური თაფლი. მოურიეთ ერთიანი მასის მიღებამდე. წაისვით ფენებად: როგორც კი ერთი გაშრება, დაამატეთ მეორე. ნარჩენები კი გრილი წყლით ჩამოიბანეთ.

👉კარტოფილისა და ალოეს ნიღაბი ნაოჭების საწინააღმდეგოდ – რეკომენდებულია მშრალი კანისთვის. აგლუვებს, ატენიანებს, აახალგაზრდავებს და აახლებს კანს. კარგია 35 წლის ასაკის შემდეგ. კარგად გარეცხეთ 1 საშუალო კარტოფილი და მოხარშეთ. დაჭყლიტეთ და გააგრილეთ. ალოეს ფოთოლი გაახვიეთ ქაღალდში ან ბამბის ქსოვილში და მოათავსეთ მაცივარში 1 ღამით. დილით გამოიღეთ, გაფცქვენით და დაწურეთ. დაუმატეთ პიურეს 1 სუფრის კოვზ ალოეს წვენი, სელის თესლი, თბილი რძე და ურიეთ ერთგვაროვანი მასის მიღებამდე. წაისვით სახეზე და 20 წუთის შემდეგ თბილი წყლით ჩამოიბანეთ.

👉კარტოფილის, კვერცხისა და ზეითუნის ზეთის ნიღაბი – ნაოჭების საწინააღმდეგო – იდეალურია 40 წლის ასაკში, როცა ეპიდერმისი შრება. ეს ნიღაბი კვებავს და აახლებს კანს, აუმჯობესებს მის ელასტიკურობას და ათანაბრებს ტონს. ერთი კარტოფილი მოხარშეთ და გააკეთეთ პიურე. ჩაამატეთ 1 სუფრის კოვზი ზეითუნის თბილი ზეთი, 1 ათქვეფილი კვერცხი, 1 ჩაის კოვზი ქატო და დატოვეთ რამდენიმე წუთით. წაისვით ნიღაბი და 20 წუთში თბილი წყლით ჩამოიბანეთ.

კარტოფილის ნიღბები შესანიშნავი საშუალებაა, სახლის პირობებშიც მარტივად მოამზადოთ, მარტივი ნიღაბი – თქვენი სახის კანის გამაახალგაზრდავებელი ელექსირი. მისი რეგულარული გამოყენების შემთხვევაში კანი დაიჭიმება და გახდება გლუვი, გაუმჯობესდება სისხლის მიმოქცევის პროცესი, კოლაგენის გამომუშავება, და რაც მთავარია, კარტოფილის ნიღბები კარგია ნებისმიერ ასაკში.