მაწვნის დიეტა
ავტორი: ანი რევია 11:00 16.10, 2023 წელი
მაწონი სასარგებლო პროდუქტია, აწესრიგებს საჭმლის მონელებას და თუ ზედმეტი კილოგრამების მოცილება გადაწყვიტეთ, ამაშიც დაგეხმარებათ. მაწვნის დიეტას საფუძვლად უდევს დღიური რაციონის 1 800-1 200 კილოკალორიამდე შემცირება, რისთვისაც რაციონიდან უნდა გამორიცხოთ ადვილად ასათვისებელი ნახშირწყლები, კერძოდ, შაქარი, პურ-ფუნთუშეული, ცხიმები და კარტოფილი. სასურველია, მიირთვათ უცხიმო ქათმის ხორცი და თევზი. არ იზღუდება ხილი და ის ბოსტნეული, რომელიც სახამებელს არ შეიცავს – სალათა, კიტრი, პომიდორი, ბოლოკი, მწვანილი. წყლის ოდენობა კი დღე-ღამეში 1,5 ლიტრს არ უნდა აღემატებოდეს. სასურველია, საკვები მიირთვათ ერთსა და იმავე დროს.
პირველი დღე
საუზმე – 1 ჭიქა მაწონი, 2 ცალი ვაშლი.
სადილი – ბოსტნეულის სალათა, 1 ნაჭერი მოხარშული თევზი ან ქათმის ფილე.
სამხარი – 1 ჭიქა მაწონი.
ვახშამი – 1 ცალი ვაშლი.
ძილის წინ – 1 ჭიქა მაწონი.
მეორე დღე
საუზმე – 1 ჭიქა მაწონი.
სადილი – 1 ნაჭერი მოხარშული თევზი და 1 ცალი კიტრი.
სამხარი – 1 ვაშლი.
ვახშამი – 1 ცალი სტაფილოს, ბოლოკის, პომიდვრისა და კიტრის სალათა, მწვანილით.
ძილის წინ - ერთი ჭიქა მაწონი.
შემდგომი 4 დღე გაიმეორეთ იგივე კვების რაციონი – მესამე დღეს პირველი დღის, მეოთხე დღეს – მეორე დღის და ასე შემდეგ.
სიახლეები ამავე კატეგორიიდან
