კიტრის დიეტა

* ეს ვარიანტი განტვირთვის დღისთვის არა მარტო კიტრს, არამედ ვაშლსაც მოიცავს – დღის განმავლობაში უნდა მიირთვათ გათლილი 1 კილოგრამი ვაშლი და 1 კილოგრამი კიტრი. ამ პროდუქტებით მოამზადეთ სალათა და შეკმაზეთ ნატურალური იოგურტით. გაყავით 5-6 ულუფად და დღის განმავლობაში მიირთვით.

* ყველაზე პოპულარულად მიიჩნევა კეფირისა და კიტრის განტვირთვის დღე – 1 ლიტრი კეფირი და 1 კილოგრამი კიტრი 5 ულუფად დაყავით. კიტრის მიღებამდე კეფირი უნდა მიირთვათ. დღის განმავლობაში დალიეთ 1,5 ლიტრი წყალი.

* 1,5 კილოგრამ კიტრს დაუმატეთ ნახევარი კილოგრამი ხაჭო – ეს თქვენი დღიური ნორმაა, რომელიც 5 ულუფად უნდა დაყოთ. ხაჭოს შეგიძლიათ, ოხრახუში და ნიახური დაუმატოთ. ამასთანავე, არ დაგავიწყდეთ 1,5 ლიტრი წყლის დალევა.