კითხვა-პასუხი

პასუხი: თავის ქალის მიერ გამოყოფილი ნატურალური ზეთები თანაბრად ნაწილდება თმის მთელ სიგრძეზე. შედეგად, სწორი თმა მიდრეკილია ცხიმიანობისა და მოცულობის დავარდნისკენ. ამიტომ, თავი დაიბანეთ ისეთი შამპუნებით, რომლებიც არ შეიცავს სულფატს. ეს დაგეხმარებათ ზედმეტი ცხიმიანობის გაკონტროლებაში. სწორი თმისთვის სირბილისა და ერთგვაროვნების შესანარჩუნებლად შამპუნის შემდეგ აუცილებლად გამოიყენეთ კონდიციონერი. შეარჩიეთ ისეთი კონდიციონერი, რომლის შემადგენლობაშიც შედის შემდეგი ნატურალური ზეთები: ქოქოსი, ჟოჟობა ან არგანი. ისინი თქვენი თმის დატენიანებასა და კვებაზე იზრუნებენ.

კითხვა: რამდენად ეფექტურია ფრჩხილის ზეთი?

პასუხი: იმისთვის, რომ თქვენი ფრჩხილები იდეალურად გამოიყურებოდეს, საჭიროა ყველანაირი პროცედურის შემდეგ, ფრჩხილებზე მკვებავი ზეთი დაიტანოთ და კარგად შეიზილოთ. გარდა სილამაზისა და მბზინავი ეფექტისა, ეს ზეთები თქვენი ფრჩხილებისა და ნუნების სიჯანსაღესაც უზრუნველყოფენ.

კითხვა: რამდენ ხანში აქვს ეფექტი მშრალი სპრეის შამპუნს და მისი გამოყენების სწორ წესს ხომ ვერ მასწავლით?

პასუხი: მშრალი შამპუნი წამებში აცოცხლებს თმას, ანიჭებს მას მოცულობას და ზოგავს დროს. საშუალებას გაძლევთ, წყალთან კონტაქტის გარეშე, სულ რამდენიმე წუთში „დაიბანოთ” თავი. შეანჯღრიეთ ბოთლი და შამპუნის სპრეი შეისხურეთ თმის ძირებში. პროდუქტი თმიდან დაახლოებით 20-30 სანტიმეტრის მოშორებით დაიჭირეთ. ეს მანძილი შამპუნს საშუალებას მისცემს, თანაბრად გადანაწილდეს თმაში. არ მიისხუროთ სპრეი ზედმეტად ახლო მანძილიდან, რადგან ეს ხელს შეუშლის პროდუქტის ეფექტურობას და ამასთანავე თმაში თეთრი ლაქების გაჩენის მიზეზიც გახდება. სპრეის შესხურებიდან უმალვე ნუ გადახვალთ დამასაჟების პროცესზე, მიეცით შამპუნს რამდენიმე წამი, ოდნავ შეშრეს. შესხურებიდან რამდენიმე წამის შემდეგ თითის ბალიშებით ნაზად გადაინაწილეთ შამპუნი მთელ თმაზე. დაელოდეთ შამპუნის შეშრობას და თმა მხოლოდ ამის შემდეგ, დაივარცხნეთ. დაიტანეთ თმაზე შამპუნი ნორმალური რაოდენობით. მშრალი შამპუნი მხოლოდ და მხოლოდ მშრალ თმაზე უნდა დაიტანოთ.