კითხვა-პასუხი
ავტორი: ანი რევია 11:00 29.03
კითხვა: ძალიან გამიუხეშდა ტერფისა და ქუსლის კანი. არსებობს ხალხური რაიმე საშუალება, რომ ფეხის კანის სტრუქტურა სახლის პირობებში გამოვისწორო?
პასუხი: საპნით დაბანილი და გამშრალებული ფეხისგულები კარგად დაიმუშავეთ აბუსალათინის ზეთით. რეგულარული პროცედურებით ხანმოკლე დროში თქვენი კანი გლუვი და ნაზი გახდება.
კითხვა: უკვე ექვსი თვეა, სახეზე ცხიმიანი ლაქები გამიჩნდა. არის რაიმე საშუალება მათ მოსაცილებლად?
პასუხი: მოხარშეთ თეთრი ლობიო, დილას კი კარგად ამოზილეთ, ისე, რომ პიურე მომზადდეს. დაუმატეთ 1 სადილის კოვზი ზეითუნის ზეთი, 1 ჩაის კოვზი ლიმონის წვენი, აურიეთ და დაიტანეთ სახეზე საღამოს. გაიჩერეთ 15 წუთი, შემდეგ ჩამოიბანეთ თბილი წყლით და წაისვით თქვენი კანის ტიპისთვის შესაბამისი კრემი.
კითხვა: უკვე თვეებია ერთ ტუშს ვიყენებ. ახლა დავაკვირდი და გამოშვებისა და გამოყენების ვადა არ აწერია. პრობლემა ხომ არ არის მისი გამოყენება?
პასუხი: ზოგადად, მაკიაჟის პროდუქტები დიდხანს არ ძლებს, ვარგისობის ვადა ყველას გასდის. თუ რომელიმე პროდუქტი საეჭვოდ დიდი ხანი გაქვთ, მიუხედავად იმისა, არის თუ არა მითითებული გამოყენების ვადა, გადაყარეთ.
სიახლეები ამავე კატეგორიიდან
