ნაცნობი სიტყვების უცნობი განმარტებები

ალაფი – საკვები; მეფქვილე; ამჟამად: ბრძოლის დროს მოპოვებული ავლადიდება.

ამბოხი – ა) დაუწმენდელი მაჭარი; ბ) ბრბო; ამჟამად: შფოთი, არეულობა; ხალხის საპროტესტო გამოსვლა.

ათაბაგობა – მამობილობა; ან – მთავრობა.

ბაგა – ახალი ვენახი.

ბელადი – მატარებელი (ვინც ატარებს), გამარჯვებული, მხედარი, რაინდი.

გაგა – მკვახე ლეღვი.

დაქადნება – კვეხნა; დაყვედრება; ამჟამად: დამუქრება.

დია – ქალი; სხვა განმარტებით: პლანეტა, ზევსი.

ვარია – მძიმე [,] (სასვენი ნიშანი); მომცრო ზომის სადღვებელი.

ვარჯიში – გაზეპირება, გამეორება.

ვაფლი – კუპატი.

ღლაპი (იგივე ლაპი) – ახალგამოჩეკილი, უბალნო მართვე ან ახალდაბადებული უბეწვო წრუწუნა.

ყავაჩი – ყავის დამსხმელი.

შერიფი – წარჩინებული.

ჩათლახი – დამპალი ნესვი (დავით ჩუბინიშვილი).

ჩაკარაბაკება – ჩახევა.

ჩაკუკება – ჩაკუზვა.

ჩალხანა – პატარა ქვაბი.

ცქმუტური – ზღმარტლი.

ძაძა – უხეში ქსოვილისგან შეკერილი სამოსი. ამჟამად: სამგლოვიარო (შავი) ტანსაცმელი.

ძეწნა (იგივე ძენწი) – ტირიფი.

წარამარა – „უთავბოლო ლაპარაკი“; ან – „უთავბოლო მოუბარი, ცუდი მოტარტარე“ (ნ.ჩუბინაშვილი). ამჟამად: ყოველ წამს, ძალიან ხშირად.

ჭაბუკი – ა) მამაცი; ბ) გმირი. ამჟამად: ახალგაზრდა ვაჟი;

უჭაბუკესი – უმცროსი.

ჭანარი (თევზის სახეობა) – კობრი, გოჭა.

ჭარმაგი – ა) თეთრზე შავად დაწინწკლული ბეწვეული; ბ) ნაცრისფერი; ამჟამად: ხანდაზმული ადამიანი, რომელიც ასაკთან შედარებით ახალგაზრდულად გამოიყურება.

ჭარმაგული – მართებული.

ჭურჭელი (ძველი ფორმით – ჭურჭერი) – განძი, საჩუქარი.

ჭყაპუნა – ოყნა.

ხალხი – მდაბიო ადამიანები.

ხარაბუზი – ცხენის მსგავსი ნადირი (ჟირაფი, ირემი, ზებრა).

ხარვეზი – ხნულში დარჩენილი კორდი; ამჟამად: ნაკლი.