ტყემლის სასარგებლო თვისებები

ტყემალი, ასევე, გამოიყენება კოსმეტიკური მიზნებისთვის. მაგალითად, ტყემლის ნაყენი შესანიშნავი საშუალებაა დაბანისთვის – ის კანის ცხიმიანობას ებრძვის. ხილის ნაყოფის რბილობის გამოყენება შეიძლება ნიღბის სახით, ეს ნაყენი სახეს გამონაყრისგან წმენდს. ნაყოფისა და დაქუცმაცებული კურკის ნარევი შესანიშნავი საშუალებაა სახის კანის, ყელისა და დეკოლტეს ზონის გაახალგაზრდავებისთვის.

ტყემლის შემადგენლობაში კალიუმის არსებობა გულის ნორმალურ მუშაობას უწყობს ხელს. ტყემალი შესანიშნავი ბუნებრივი ანტიოქსიდანტია. გამოიყენება ორგანიზმის გაწმენდისა და გაახალგაზრდავებისთვის. ეს ხილი დაბალკალორიულია და მისი მიღება ნებადართულია დიეტაზე ყოფნის დროსაც. სასარგებლოა ალუჩისა და ტყემლის ნახარშები და კომპოტები, ისინი აძლიერებენ მადას და აუმჯობესებენ საჭმლის მონელებას. განსაკუთრებით სასარგებლოა გასტრიტებისა და მომატებული მჟავიანობისას.

ოფიციალური მედიცინა რაციონში ალუჩისა და ტყემლის ჩართვას განსაკუთრებით ურჩევს ორსულ და მეძუძურ ქალებს, ბავშვებს, ხნიერ ადამიანებს, რადგან ის ორგანიზმის ვიტამინებით, მინერალებითა და სხვა სასარგებლო ნივთიერებებით მომარაგების ფასდაუდებელი საშუალებაა. რადგანაც ტყემლის შემადგენლობაში ამიგდალინის მჟავა შედის, მისი გამოყენება შეიძლება ბრონქული ასთმის შეტევის დროს.

ტყემლის მიღება რეკომენდებული არაა: ინდივიდუალური აუტანლობის დროს, კუჭის წვენის გაზრდილი მჟავიანობის, გასტრიტისა და კუჭის წყლულის დროს. ტყემლის კურკაში არის მავნე ნივთიერებები, რამაც შეიძლება მოწამვლა გამოიწვიოს. ტყემლის ნაყოფი ადამიანმა ზომიერი რაოდენობით უნდა მიიღოს. წინააღმდეგ შემთხვევაში შეიძლება, კუჭის აშლილობა გამოიწვიოს.