სიმაღლეში ზრდის შეფერხების მიზეზები და პრევენცია

მეორე მნიშვნელოვანი ფაქტორი საკვები პროდუქტებია, სადაც მიკროელემენტების, მინერალების შემცველობა, ადრინდელთან შედარებით, ძალიან შემცირებულია. ეს სხვადასხვა რამითაა განპირობებული. მათ შორის, ჰაერის, წყლისა და ნიადაგის დაბინძურებით, დიდი რაოდენობით სასუქებისა და ემულგატორების, ფერის, შემნახველების – უამრავი ქიმიური ნივთიერების გამოყენებით, რომლებიც ზრდასთან მიმართებით ძალიან უარყოფით გავლენას ახდენს.

მნიშვნელოვანია, რამდენად კარგად იკვებება ბავშვი და რამდენად ადეკვატურია დღის განმავლობაში მიღებული რაციონის შემადგენლობა ორგანიზმის მოთხოვნასთან მიმართებაში.

კალიციუმის, ცილებისა და ვიტამინების ნაკლებობა და ტკბილეულის მეტობა ნეგატიურად აისახება სიმაღლეში ზრდაზე. ფიზიკური დატვირთვა სასარგებლოა, მაგრამ პატარას პროფესიული სპორტით დატვირთვამ შეიძლება, სიმაღლეში ზრდა შეაფერხოს. დიდი მნიშვნელობა აქვს გენეტიკურ ფაქტორსაც, თუმცა, სიმაღლეში შეფერხება ხშირად ენდოკრინული სისტემის დარღვევისა და ზრდის ჰორმონის ნაკლებობითაა გამოწვეული, რაც ასევე, შეიძლება მემკვიდრული იყოს. თუმცა ის დარღვევა, რაც ბაბუას აქვს, შეიძლება გამოუსწორდეს შვილიშვილს.

ასე რომ, გაითვალისწინეთ, ჯანმრთელი ბავშვის ოპტიმალური ზრდის უზრუნველსაყოფად აუცილებელია:

• სწორი კვება: კვების რაციონში ყოველდღიურად ოპტიმალური ოდენობის ხორცის, თევზის, რძის პროდუქტის, ხილისა და ბოსტნეულის ჩართვა;

• ფიზიკური აქტივობა: ყველა ბავშვი აუცილებელია ყოველდღიურად 1 საათი მაინც იყოს ფიზიკურად დატვირთული;

• ძილი: ჯანსაღი, სრულფასოვანი ძილი 9-10 საათის განმავლობაში ყოველდღიურად აუცილებელია ზრდის ჰორმონის გამოყოფის ფიზიოლოგიური რიტმისათვის;

• კალციუმის, D ვიტამინის, იოდისა და სხვა აუცილებელი მინერალების ასაკობრივი ნორმის მიღება ყოველდღიურად;

• ჯანსაღი ფსიქოემოციური, სტრესისგან თავისუფალი გარემო;

• ჭარბი წონისა და სიმსუქნის პრევენცია.