როგორ ვუმკურნალოთ ქრონიკულ დაღლილობას

ქრონიკულ დაღლილობას კომპლექსური მიდგომით ვუმკურნალებთ:

კვებითი მხარდაჭერა

ქრონიკული დაღლილობის ერთ-ერთი ძირითადი მიზეზია ორგანიზმის გამოფიტვა მიკროელემენტების დეფიციტისგან (მაგალითად: B ვიტამინები, მაგნიუმი, რკინა).

აუცილებელი პროდუქტები:

• მწვანე ფოთლოვანი ბოსტნეული – სპინატი, ბროკოლი (B ვიტამინები, რკინა);

• ციტრუსები, კივი – C ვიტამინი (რკინის ათვისებისთვის);

• ნიგოზი, თხილი, მზესუმზირა – მაგნიუმი, თუთია;

• კვერცხი, იოგურტი – ენერგიის სტაბილიზატორები;

• ბატატი, შვრია – ნელი ნახშირწყლები ენერგიისთვის;

• ნატურალური ენერგიის ბუსტერები – ნიორი, ჯინჯერი, ქერათესლი.

ბალახეული:

ჟენშენი – ამაღლებს გონებრივ სიმკვეთრეს;

• როზმარინი – აუმჯობესებს ტვინის სისხლის მიმოქცევას;

• ლიმონის ბალახა – ამშვიდებს ნერვულ სისტემას, არ წვავს ენერგიას.

სამკურნალო რეცეპტები დაღლილობაზე

საუზმის ენერგეტიკული კოქტეილი – 1 ბანანი, 1 ჩაის კოვზი თაფლი; 1 ჩაის კოვზი სელის თესლი, 1 ჭიქა ნუშის რძე ან წყალი. დალიეთ დილით, უზმოზე — ბუნებრივი ენერგიის ამომწურავი წყაროა.

დამამშვიდებელი ჩაი დაღლილობის დროს (სტრესზე მოქმედი) – 1 ჩაის კოვზი ლიმონის ბალახა, 1 ჩაის კოვზი როზმარინი, 1 ჩაის კოვზი გვირილა. დაასხით 250 მილილიტრი ადუღებული წყალი, დააყენეთ 10 წუთი. დალიეთ ძილის წინ ან დღის ბოლოს.

„ანტიდაღლილობის“ სალათა – ბროკოლი (ოდნავ მოხარშული), სტაფილო, ოხრახუში, მოხალული თხილი. მოასხით ზეითუნის ზეთი და ლიმონის წვენი. აუმჯობესებს ნივთიერებათა ცვლას და აწვდის ტვინს საჭირო ელემენტებს.

ძილი და რიტმი

• დაწექით ყოველდღე ერთი და იგივე დროს – ძილის ჰორმონი (მელატონინი) ყველაზე ძლიერად გამომუშავდება 22:00-01:00 საათზე;

• ძილის წინ არ გამოიყენოთ ტელეფონი/ეკრანი – ცისფერი შუქი თრგუნავს ტვინის დასვენებას;

• სუნთქვითი ვარჯიშები ან მედიტაცია ძილის წინ – აუმჯობესებს ძილის ხარისხს.

ფიზიკური აქტივობა

• მდგომარეობა პარადოქსულად შეიძლება, გაუმჯობესდეს მსუბუქი მოძრაობით – ყოველდღე 15-30 წუთი სიარული, გაწელვა ან იოგა;

• არა გადაღლას – მიზანია დატვირთვა და არა გადაქანცვა.

ემოციური დატვირთვის შემცირება

• მოერიდეთ ერთდროულად რამდენიმე საქმის კეთებას (მულტითასქინგი აუარესებს ტვინის რესურსს);

• გამოყავით დრო დასვენებისთვის, რაც არ უკავშირდება ეკრანს: წიგნი, მუსიკა, ხელსაქმე, ბუნება.