როგორ შევამციროთ შფოთვა

ზოგჯერ ფიზიკური ნიშნები, ემოციები, რომლებიც თან ახლავს შფოთვას, არ არის აშკარა იმ კონკრეტული დროის მონაკვეთში.

გავრცელებული სიმპტომია:

თავბრუდახვევა;

გადაჭარბებული ოფლდენა;

დაძაბულობა და კუნთების ტკივილი;

დაღლილობა;

უძილობა;

თავის ტკივილი;

თრთოლა, კანკალი.

თუ საკუთარ შეგრძნებებს კარგად დააკვირდებით, შემდეგ უკვე შეძლებთ, ამოიცნოთ, რა არის თქვენი შფოთვის წყარო და როგორ რეაგირებთ.

შფოთვით გამოწვეული უსიამოვნო შეგრძნებების დაძლევაში კი გარკვეული მანიპულაციები დაგეხმარებათ:

სუნთქვის ძალა

თქვენი გონება და სხეული გამუდმებით „კვებავენ“ ერთმანეთს. როდესაც შფოთვა გვიპყრობს, დაახლოებით იგივე ხდება: თუ ვაკონტროლებთ სუნთქვას, ეს გარკვეული მესიჯია გონებისათვის. როდესაც შფოთვა გიპყრობთ, სცადეთ, მოდუნდეთ და მშვიდად ისუნთქოთ.

მოერიდეთ ემოციების გამოხატვას

ხშირია მოსაზრება, რომ თუ შეგრძნებების შემცირება გვინდა, ემოციები უნდა „გამოვუშვათ“. რაც არ არის სწორი. თუ ემოციებს ბოლომდე გამოვხატავთ, ამან შეიძლება, გრძნობები კიდევ უფრო გაამძაფროს. რა თქმა უნდა, ეს არ ნიშნავს იმას, რომ არავის გავანდოთ საკუთარი ემოციები, მაგრამ ზომიერების დაცვა საჭიროა.

შეცვალეთ აზრების მიმართულება

კარგი იქნება, თუ თავიდან გაიაზრებთ და „დახატავთ“ სტრესულ საქმეს ან დავალებას. მაგალითად, შესაძლოა, პრეზენტაცია სტრესული იყოს, მაგრამ მეორე მხრივ, ის გვაძლევს შესაძლებლობას, გამოვავლინოთ საკუთარი ცოდნა. არის შემთხვევები, როდესაც ადამიანები უკეთ მოქმედებენ წნეხის ქვეშ. თუ ვიფიქრებთ, რომ სტრესმა შესაძლოა, კიდეც გაზარდოს ჩვენი წარმატება, მაშინ ორგანიზმში გაცილებით დაბალი იქნება კორტიზოლის დონე, ეს არის ჰორმონი, რომელიც სტრესის საპასუხოდ გამომუშავდება.

უბრალოდ, მიიღეთ ის, რასაც ვერ შეცვლით

ზოგიერთი მდგომარეობა და სიტუაცია შეცვლას არ ექვემდებარება. ასეთ დროს, უკეთესია მიღება და არა მათთან ბრძოლა. ეს არ ნიშნავს, რომ ვნებდებით. უბრალოდ, ვხვდებით, რომ ჩვენი ძალისხმევა ფუჭი იქნება და არ ვიწყებთ ბრძოლას იქ, სადაც გამარჯვება გამორიცხულია, თორემ ეს უფრო მძიმედ აისახება ჩვენს მდგომარეობაზე.

იყავით საქმიანი, მაგრამ ნორმის ფარგლებში.

შფოთვის დროს, ხშირად ვართ არამოტივირებული რაიმე სასარგებლო გავაკეთოთ. თუ ამ მდგომარეობას ემატება ისიც, რომ არაფრით ვართ დაკავებული, მაშინ შფოთვა იზრდება, რადგან მეტი დრო გვაქვს მასზე ფიქრისთვის. ჩამოწერეთ აქტივობები, რომელთა განხორციელებაც სასიამოვნოა თქვენთვის. მაგრამ ნუ გადაიტვირთავთ თავს, რადგან შესაძლოა, ასე უფრო სტრესულ მდგომარეობაში აღმოჩნდეთ.

გაუმკლავდით უსიამოვნო ფიქრებს

სტრესი ხშირად მოდის იმ უსიამოვნო ფიქრებიდან, რომლებიც ყოველდღე გვაწუხებს. რამდენიმე ტექნიკა, თუ როგორ გავუმკლავდეთ მათ:

1. „წუხილის პერიოდი“ – გადადეთ თქვენი მწუხარება დანიშნულ 30-წუთიან „წუხილის პერიოდამდე“. შემოინახეთ უარყოფითი ფიქრები ამ დრომდე და დანარჩენ პერიოდში დაისვენეთ მათგან.

2. დაწერეთ – ყველაზე ღრმა გრძნობების გადატანა ფურცელზე წარმატებული მეთოდია არასაურველი ფიქრებისგან თავის დასაღწევად.

3. კუნთების რელაქსაცია – მოადუნეთ სხეული. თავდაპირველად ხართ დაძაბული, შემდეგ კი ადუნებთ თითოეულ კუნთს. მომდევნო ეტაპზე ბოლომდე ხსნით დაძაბულობას და სრულიად დუნდებით. წარმოიდგენთ იმას, რაც სტრესულია თქვენთვის და ხართ მშვიდ მდგომარეობაში. ბოლოს ეს ტექნიკა რეალურ სამყაროში გადაიტანეთ.

ჯანსაღი კვება, ვარჯიში, მოწესრიგებული ძილი და სასიამოვნო გარემო – ეს ის კომპონენტებია, რომელიც რა თქმა უნდა, ყველა და ამ პრობლემის მოგვარებაშიც ძალიან დიდ როლს ასრულებს.