როგორ მოვუფრთხილდეთ კუჭ-ნაწლავს ახალი წლის პერიოდში

რამდენიმე პრაქტიკული რჩევა, როგორ გადავიტანოთ დღესასწაულები „მსუბუქად”:

1. „ოქროს წესი” – ნუ მიუჯდებით სუფრას მშიერი. ბევრი ადამიანი მთელი დღე არ ჭამს, რომ ღამით „ბევრი ადგილი ჰქონდეს”. ეს დიდი შეცდომაა. მშიერ კუჭზე დიდი რაოდენობით მძიმე საკვების მიღება იწვევს ინსულინის მკვეთრ ნახტომს და აფერხებს მონელებას. ამიტომ, დღის განმავლობაში მიირთვით მსუბუქად (ხილი, იოგურტი, სალათა), რათა სუფრაზე კონტროლი არ დაკარგოთ.

2. დაიცავით რიტმი და თანმიმდევრობა – საკვების მიღების სწორი თანმიმდევრობა კუჭს მუშაობას უადვილებს:

• დაიწყეთ ბოსტნეულით – მწვანილი და ახალი ბოსტნეული შეიცავს ფერმენტებს, რომლებიც ეხმარება ორგანიზმს შემდეგ შემოსული ცილებისა და ცხიმების დაშლაში;

• ერიდეთ ერთდროულად ბევრი სახეობის ცილას: მაგალითად, ნუ მიაყოლებთ ინდაურის საცივს ღორის მწვადს და თევზს. აირჩიეთ ერთი ძირითადი კერძი.

3. წყლისა და ალკოჰოლის ბალანსი – ალკოჰოლი აფერხებს საჭმლის მონელების პროცესს და აღიზიანებს კუჭის ლორწოვან გარსს.

• ეცადეთ დაიცვათ ზომიერება ალკოჰოლის მიღებისას;

• ერიდეთ გაზიან სასმელებს: შაქრიანი გაზიანი სასმელები მძიმე საკვებთან ერთად იწვევს შებერილობას და მუცლის ტკივილს.

4. ნიგვზიანი კერძები – ზომიერების ფარგლებში ქართული ახალი წელი წარმოუდგენელია საცივისა და ბაჟეს გარეშე. ნიგოზი ძალიან სასარგებლოა, მაგრამ ის ერთ-ერთი ყველაზე კალორიული და „მძიმე” პროდუქტია ღვიძლისა და ნაღვლის ბუშტისთვის;

• შეეცადეთ, ნიგვზიანი კერძები მიირთვათ მცირე ულუფებით, თან ყოველდღე ზედიზედ – არა.

5. მოძრაობა და პაუზები – ნუ გაატარებთ მთელ ღამეს მჯდომარე მდგომარეობაში. ჭამიდან ჭამამდე გააკეთეთ პაუზები, იცეკვეთ ან გაისეირნეთ სუფთა ჰაერზე. ფიზიკური აქტივობა ასტიმულირებს ნაწლავების პერისტალტიკას.

პირველი დახმარება სიმძიმის დროს თუ მაინც გადააჭარბეთ და თავს ცუდად გრძნობთ:

1. მცენარეული ჩაი – პიტნის, გვირილის ან ჯანჯაფილის (კოჭას) ჩაი საუკეთესოა მონელების ხელშესაწყობად და სპაზმების მოსახსნელად.

2. ფერმენტები – წინასწარ იქონიეთ აფთიაქში ნაყიდი ფერმენტული პრეპარატები (ოღონდ, ექიმის რეკომენდაციით), რომლებიც ეხმარება კუჭს მძიმე საკვების დაშლაში.

3. შემდეგი დღის განტვირთვა: უარი თქვით სადილების ნარჩენების დამთავრებაზე. მიირთვით მხოლოდ მაწონი, მსუბუქი ბულიონი ან ხილი.