როგორ ხდება პროსტატის სიმსივნის დიაგნოსტიკა

პროსტატის შემოწმების სიხშირე დამოკიდებულია ექიმის რეკომენდაციაზე, ძირითად შემთხვევაში ჯანსაღი ადამიანისთვის 3 წელიწადში ერთხელ შემოწმება სრულიად საკმარისია. დაავადება შეიძლება იყოს მსუბუქი, როდესაც ის დაზიანებას მხოლოდ პროსტატის ჯირკვალში იწვევს, ასევე მწვავე, როდესაც ის პროსტატის ჯირკვლის მიღმაც ვრცელდება და მეტასტაზირდება სხვა ორგანოებში. პროსტატის შემოწმება და ადრეული დიაგნოსტიკა ექიმს საშუალებას აძლევს, რომ შეაფასოს სიმსივნის საფრთხეები და დანიშნოს შესაბამისი მკურნალობა. მაგალითად, კომპლექსურ თერაპიაში, წინამდებარე ჯირკვლის კეთილთვისებიანი ჰიპერპლაზიის მქონე პაციენტების სამკურნალოდ იყენებენ პროსტამოლ უნოს, რომელიც პსპ-ს აფთიაქებშია ხელმისაწვდომი.

როგორ ამოწმებენ პროსტატას

პროსტატის სიმსივნეზე პირველადი შემოწმებისთვის ძირითადად ორ მეთოდს იყენებენ — რექტალურ გამოკვლევასა და ანტიგენის ტესტს:

1. რექტალური გამოკვლევის დროს ექიმი თითით ამოწმებს პროსტატის ჯირკვლის მდგომარეობას, რომელიც სწორი ნაწლავის კედელს ემიჯნება. ექიმი ამოწმებს თუ შეესაბამება ნორმებს პროსტატის ჯირკვლის ზომა და ტექსტურა;
2. პროსტატის სპეციფიკური ანტიგენის ტესტი (PSA) ლაბორატორიული სისხლის ანალიზია, რომელიც ამოწმებს სისხლში პროსტატის სპეციფიკური ანტიგენების შემცველობას. პროსტატის ჯირკვალი ასეთ ანტიგენებს თავად გამოიმუშავებს, მათი გაზრდილი რაოდენობა კი მიუთითებს პროსტატის პრობლემებზე, რაც შეიძლება იყოს ანთება, ინფექცია, ზომის ზრდა ან სიმსივნე.

ორივე სახის გამოკვლევა არ არის საკმარისი სიმსივნის დასადგენად. რექტალური გამოკვლევა დიდწილად დამოკიდებულია ექიმის უნარებზე, ხოლო პროსტატის სპეციფიკური ანტიგენის ტესტი უშუალოდ სიმსივნეზე არ მიუთითებს. ექიმს ეს გამოკვლევები ეხმარება, რომ იმ შემთხვევაში, თუ მათი შედეგები საფუძვლიან ეჭვს გააჩენს, მაშინ უფრო ზუსტი მეთოდები მოიშველიოს დიაგნოსტიკისთვის.

პროსტატის სიმსივნის დიაგნოსტიკის საშუალებები

პროსტატის სიმსივნის საფუძვლიანი გამოკვლევისთვის ექიმს შეუძლია რამდენიმე მეთოდის შემოთავაზება:

• პროსტატის ექოსკოპიური გამოკვლევის დროს, მცირე ზომის ზონდი თავსდება სწორ ნაწლავში, რომელიც ულტრაბგერების საშუალებით იღებს პროსტატის ჯირკვლის რბილი ქსოვილების სურათებს. ექოსკოპიით ექიმს შეუძლია, შეაფასოს პროსტატის ზომა, ფორმა და მდებარეობა და გამოავლინოს მათი დარღვევები. პროსტატის გამოკვლევა ექოსკოპიით შეიძლება უსიამოვნოა, თუმცა არაა მტკივნეული და რაც მთავარია, სრულიად უსაფრთხოა.
• მაგნიტო რეზონანსული ტომოგრაფია (მრტ), ექოსკოპიასთან შედარებით უკეთესად ასახავს პროსტატის ჯირკვალს. ის გამოიყენება პროსტატის სიმსივნის სიმწვავის შესაფასებლად, რაც ეხმარება ექიმს დააზუსტოს პროსტატის მკურნალობის გეგმა.
• პროსტატის ბიოფსია, ძირითადად, წინარე გამოკვლევების შედეგების საფუძველზე ინიშნება. პროსტატის ბიოფსია გულისხმობს უშუალოდ პროსტატის ჯირკვლის ქსოვილიდან უჯრედული სინჯის აღებას და მათ შემოწმებას სიმსივნური უჯრედებს შემცველობაზე. ბიოფსიისთვის იყენებენ თხელ ნემსს, რომელიც შედის პროსტატის ჯირკვალში და იღებს უჯრედულ მასას. პროსტატის სიმსივნისთვის ყველაზე სანდო მტკიცებულება ამ გამოკვლევით ხერხდება.

პროსტატის სიმსივნის სიმწვავიდან ან სტადიიდან გამომდინარე შეიძლება გამოკვლევებმა რეგულარული სახე მიიღოს. რეგულარული შემოწმება ექიმს სჭირდება სიმსივნის მონიტორინგისთვის, რომ შეაფასოს მკურნალობის შედეგები. განმეორებადი შემოწმება ასევე საჭიროა შემობრუნებული სიმსივნის მალევე შესამჩნევად.