როგორ გავუმკლავდეთ მზის დარტყმას

როგორ ავირიდოთ თავიდან მზის დარტყმა

* მოერიდეთ მზის პირდაპირ სხივებს – ეცადეთ, თავი შეიკავოთ მზეზე ყოფნისგან დღის ყველაზე ცხელ პერიოდში (დაახლოებით, 11:00-დან 16:00 საათამდე). თუ გარეთ გასვლა აუცილებელია, იარეთ ჩრდილში;

* ატარეთ შესაბამისი ტანსაცმელი – ჩაიცვით ღია ფერის, თავისუფალი და ნატურალური ქსოვილისგან (მაგალითად, ბამბა ან თეთრეული) დამზადებული ტანსაცმელი. ეს ხელს უწყობს სხეულის გაგრილებას. ასევე, ატარეთ ფართოფარფლებიანი ქუდი და მზის სათვალე;

* დალიეთ ბევრი სითხე – ორგანიზმის გაუწყლოება (დეჰიდრატაცია) ზრდის მზის დარტყმის რისკს. დღის განმავლობაში რეგულარულად მიიღეთ წყალი, უშაქრო ჩაი ან კომპოტი. მოერიდეთ ალკოჰოლურ და კოფეინიან სასმელებს, რადგან ისინი ორგანიზმს სითხეს აკარგვინებს;

* მიიღეთ გრილი შხაპი ან აბაზანა – სიცხეში სხეულის ტემპერატურის რეგულირებაში დაგეხმარებათ გრილი წყალი. შეგიძლიათ, გამოიყენოთ სველი პირსახოციც, რომელიც კისერზე, მაჯებზე ან იდაყვებზე დაიდეთ;

* გამოიყენეთ მზისგან დამცავი კრემი – თუმცა ეს მზის დარტყმას პირდაპირ არ აფერხებს, ის იცავს კანს დამწვრობისგან, რაც ორგანიზმის გადახურებას უწყობს ხელს. გამოიყენეთ მზისგან დამცავი კრემი SPF 30 ან უფრო მაღალი დონის და განაახლეთ ყოველ 2 საათში ერთხელ;

* მიირთვით მსუბუქი კერძები – ცხელ ამინდში მოერიდეთ მძიმე, ცხიმიან საკვებს. უპირატესობა მიანიჭეთ ხილსა და ბოსტნეულს.

რა უნდა იცოდეთ სიმპტომების შესახებ

მნიშვნელოვანია, რომ იცოდეთ მზის დარტყმის სიმპტომები, რათა დროულად მოახდინოთ რეაგირება.

სიმპტომები:

* მაღალი ტემპერატურა: 40°C-ზე ზემოთ;

* თავის ტკივილი, თავბრუსხვევა,

* გულისრევა, ღებინება;

* კანის გაწითლება და სიმშრალე – ოფლიანობის შეწყვეტა;

* პულსის აჩქარება;

* ცნობიერების დაბინდვა, გონების დაკარგვა.

თუ ზემოთ ჩამოთვლილი სიმპტომებიდან რომელიმეს შეამჩნევთ პირველი და ყველაზე მნიშვნელოვანი ნაბიჯი სასწრაფო სამედიცინო დახმარების გამოძახებაა. თუმცა, ექიმის მოსვლამდე, შეგიძლიათ, განახორციელოთ რამდენიმე დამატებითი ქმედება, რომელიც დაზარალებულის მდგომარეობის შემსუბუქებაში დაგეხმარებათ;

რა უნდა გააკეთოთ სასწრაფო დახმარების მოსვლამდე

* დაუყოვნებლივ მოაშორეთ დაზარალებული მზის სხივებს და გადაიყვანეთ ჩრდილში;

* დააწვინეთ ზურგზე და შეძლებისდაგვარად აუწიეთ ფეხები. ეს ხელს შეუწყობს სისხლის მიმოქცევას და შეამცირებს შოკის განვითარების რისკს;

* გააგრილეთ სხეული. გამოიყენეთ ცივი წყალი.