რატომ გვტკივა ხელის მტევნები და როგორ ვუმკურნალოთ მას

ყველაზე გავრცელებული მიზეზები:

. მექანიკური გადატვირთვა

• კომპიუტერთან მუშაობა, ტელეფონის ხშირი გამოყენება, მძიმე ნივთების ტარება;

• იწვევს კუნთების დაჭიმვას და მყესების გადაღლას. ართრიტი (სახსრების ანთება);

• ტკივილი, სიწითლე, შეშუპება;

• შეიძლება, იყოს რევმატოიდული ართრიტი ან ოსტეოართრიტი.

კარპალური გვირაბის სინდრომი ჩნდება, როცა მაჯაში მდებარე ნერვზე ზეწოლა ძლიერდება.

სიმპტომები:

* ტკივილი, დაბუჟება, „ჩხვლეტა“ ხელის თითებში, განსაკუთრებით ღამით.

გაუყინავი ტრავმები და დაზიანებები

• დაჭიმვა, მოტეხილობა, იოგის ან მყესის დაზიანება;

• მყესების ანთება, რომელიც ხშირად ვითარდება ხელის ზედმეტი დატვირთვისას.

სისხლის მიმოქცევის პრობლემები

• ხელების დაბუჟება, სიცივე და ტკივილი შესაძლოა სისხლძარღვოვანი მიზეზითაც იყოს გამოწვეული. ხშირია დიდი თითის სახსრებში, მაგრამ ზოგჯერ ხელის მტევნებშიც ჩნდება;

• ძლიერი, მოულოდნელი ტკივილის შეტევები – ნერვული სისტემის პრობლემები (ნევრიტი, ოსტეოქონდროზის გამო ზურგიდან წამოსული ტკივილი). ზოგჯერ ხელის მტევნის ტკივილი სინამდვილეში ზურგიდან ან კისრიდან „გადმოსული“ ნერვის გაღიზიანებაა. თუ ტკივილი ხანგრძლივი, გამუდმებული, შეშუპებასთან ან დაბუჟებასთან ერთადაა, აუცილებლად საჭიროა ექიმის კონსულტაცია (ტრავმატოლოგი, ნევროლოგი ან რევმატოლოგი).

როგორ ვუმკურნალოთ მას სახლის პირობები:

დასვენება და დატვირთვის შემცირება

• ხელები უნდა შეასვენოთ, განსაკუთრებით, თუ კომპიუტერზე მუშაობთ ან ხშირად იყენებთ ტელეფონს;

• ეცადეთ, ხელები ზედმეტად არ დაიტვირთოს.

ცივი კომპრესი (პირველ 24–48 საათში გადატვირთვის ან მცირე ტრავმის შემდეგ):

• ყინულით ან ცივი წყლით დასველებული პირსახოცი დაადეთ მტევანს 10–15 წუთით – ამცირებს ტკივილს და შეშუპებას.

თბილი კომპრესი (თუ ტკივილი ქრონიკულია ან ანთებითი არ არის) – თბილი წყლით დასველებულ პირსახოცს შეუძლია კუნთების მოდუნება და სისხლის მიმოქცევის გაუმჯობესება.

გაჭიმვისა და მსუბუქი ვარჯიშები

• თითების ნელა გახსნა-დახურვა, მტევნის ტრიალი – აუმჯობესებს მოქნილობას და სისხლის მიმოქცევას.

მასაჟი – მსუბუქი წრიული მასაჟი ხელისგულზე და თითებზე ამცირებს დაჭიმულობას.

ანთების საწინააღმდეგო მალამოები (აფთიაქში იყიდება) – მაგალითად, დიკლოფენაკის ან იბუპროფენის შემცველი გელები.

კვება

* ომეგა-3 ცხიმოვანი მჟავები (თევზი, თხილი, სელის ზეთი) ამცირებს ანთებით პროცესებს;

• საკმარისი წყლის დალევა და ვიტამინებით (განსაკუთრებით C და D) გამდიდრებული საკვები ეხმარება სახსრებს.

აუცილებლად მიმართეთ ექიმს, თუ:

• ტკივილი გრძელდება 1 კვირაზე მეტხანს;

• ხელები გჩხვლეტს, გეყინება ან გიბუჟდება;

• შეშუპება და სიწითლე ძლიერდება;

• ტკივილი მოულოდნელად და ძლიერად გაჩნდა;

• გაქვთ ტრავმის ეჭვი (მოტეხილობა, იოგის გაწყვეტა).