რას მკურნალობს ფეიხოა

ფეიხოას სამკურნალო და სასარგებლო თვისებები

1. ბუნებრივი იოდი ფარისებრი ჯირკვლისთვის – ფეიხოა ერთ-ერთი იშვიათი ხილია, რომელიც ბუნებრივად შეიცავს დიდი რაოდენობით იოდს. ეს ეხმარება ფარისებრი ჯირკვლის სწორ მუშაობას, ჰორმონული დისბალანსის პრევენციას, ენერგიის დონის გაუმჯობესებას.

შენიშვნა: ჰიპერთირეოზის შემთხვევაში დიდი რაოდენობა არ არის რეკომენდებული.

2. იმუნიტეტის გაძლიერება – ფეიხოაში არი C ვიტამინი, პოლიფენოლები, ანტიოქსიდანტები, რაც მას ძალიან ეფექტურს ხდის ვირუსების, გაციებისა და ანთებების წინააღმდეგ.

3. ძლიერი ანტიბაქტერიული და ანტივირუსული მოქმედება – ფეიხოას აქვს ბუნებრივი ანტიმიკრობული ეფექტი, რომელიც ორგანიზმს ეხმარება ყელის ტკივილის დროს, ბაქტერიული ინფექციების წინააღმდეგ ბრძოლაში, ორგანიზმის გაწმენდაში.

4. კუჭ–ნაწლავის გაუმჯობესება – ფეიხოა შეიცავს ბევრ ბოჭკოს და პექტინს, რაც აუმჯობესებს საჭმლის მონელებას, ამცირებს მჟავიანობას, ეხმარება მსუბუქ შეკრულობას, აღადგენს მიკროფლორას. კარგია გასტრიტისა და მსუბუქი კუჭის პრობლემების დროს.

5. გულსისხლძარღვთა მხარდაჭერა – ფეიხოა შეიცავს კალიუმს, რაც ორგანიზმს ეხმარება წნევის ნორმალიზებაში, ანტიოქსიდანტები – არტერიების დაცვაში. ფეიხოას რეგულარულად მიღება ამცირებს გულის დაავადებების რისკს.

6. ნერვული სისტემის დამამშვიდებელი მოქმედება – ფეიხოას ორგანული მჟავები და ეთერზეთები ამცირებს დაძაბულობას, აუმჯობესებს განწყობას, ეხმარება მსუბუქ უძილობასაც.

7. კანისა და თმის ჯანმრთელობა – C + ანტიოქსიდანტები ამცირებს ანთებას, აუმჯობესებს კანის ელასტიკურობას, აჩქარებს ნაკაწრების შეხორცებას.

ჯანმრთელი ადამიანისთვის რეკომენდებულია დღეში 3-5 ცალი ფეიხოა; ბავშვებისთვის – 1-2 ცალი. თირეოიდის ჰორმონების მომატების (ჰიპერთირეოზის) შემთხვევაში – შეზღუდულად.

ფეიხოა და შაქარი

ფეიხოა შედარებით ტკბილია, მაგრამ აქვს დაბალი გლიკემიური ინდექსი. დიაბეტის შემთხვევაში შეიძლება მიირთვათ 1-2 პატარა ნაყოფი, მაგრამ არა ყოველდღე.

ფეიხოა + თაფლი ერთ-ერთი ყველაზე ძლიერი ბუნებრივი სამკურნალო ნაზავია. იყენებენ როგორც იმუნიტეტის გასაძლიერებლად, ასევე ფარისებრი ჯირკვლის მუშაობის დასარეგულირებლად, გაციების, სტრესისა და საჭმლის მონელების გასაუმჯობესებლად.