რა უნდა ვიცოდეთ სურდოს შესახებ

ძირითადი რეკომენდაციები:

1. ცხვირის გამორეცხვა და დატენიანება – ეს არის ყველაზე ეფექტური და უსაფრთხო მეთოდი ლორწოს მოსაშორებლად.

* გამოიყენეთ ზღვის წყლის სპრეი ან ჩვეულებრივი ფიზიოლოგიური ხსნარი დღეში რამდენჯერმე. ეს ასუფთავებს ცხვირს ვირუსებისგან და ატენიანებს ლორწოვან გარსს;

• ჰაერის დატენიანება - მშრალი ჰაერი აუარესებს მდგომარეობას. გამოიყენეთ ჰაერის დამტენიანებელი ან დადგით წყლიანი ჭურჭელი გამათბობელთან ახლოს.

2. სითხეების მიღება - რაც უფრო მეტ სითხეს სვამთ, მით უფრო თხელდება ლორწო და ადვილდება მისი გამოდევნა.

• მიიღეთ ბევრი თბილი ჩაი (ლიმონით, თაფლით), წყალი ან ნატურალური წვენები;

• ქათმის ბულიონი – მეცნიერულად დადასტურებულია, რომ მას მსუბუქი ანთების საწინააღმდეგო ეფექტი აქვს.

3. მედიკამენტოზური დახმარება

• სისხლძარღვთა შემავიწროებელი წვეთები: (მაგალითად: ოტრივინი, ნაზივინი და ასე შემდეგ) ისინი სწრაფად ხსნიან გაჭედილობას, თუმცა მათი გამოყენება არ შეიძლება 3-5 დღეზე მეტხანს, რადგან იწვევს შეჩვევას;

• ალერგიის საწინააღმდეგო საშუალებები: თუ სურდო ალერგიულია, საჭიროა ანტიჰისტამინური პრეპარატები.

სურდო, ჩვეულებრივ, 7-10 დღეში გადის.

მიმართეთ ექიმს, თუ:

• სიმპტომები გრძელდება 10 დღეზე მეტხანს;

• გაქვთ მაღალი სიცხე, რომელიც არ იწევს;

• გამოკვეთილია ტკივილი შუბლის ან ყვრიმალების არეში (სინუსიტის ნიშანი);

• გამონადენი გახდა ჩირქოვანი (მწვანე/ყვითელი) და თან ახლავს თავის ტკივილი.

მნიშვნელოვანია: ანტიბიოტიკები არ მოქმედებს ვირუსულ სურდოზე! მათ მხოლოდ ექიმი ნიშნავს ბაქტერიული გართულების შემთხვევაში.

ბუნებრივი დამხმარეები:

• თაფლი: 1 წლის ზემოთ ბავშვებისთვის და მოზრდილებისთვის თაფლი საუკეთესოა ყელის დასამშვიდებლად (ხშირად სურდოს თან ახლავს ყელის ქავილის შეგრძნება);

•C ვიტამინი: მიიღეთ ნატურალური სახით (კივი, ციტრუსი, ასკილი), რაც ეხმარება იმუნიტეტს.