რა იწვევს პოდაგრას და როგორ ვებრძოლოთ მას

კონცენტრაციის მომატებას ხელს უწყობს:

* პურინების შემცველი საკვები – ხორცი, თევზი, ზღვის პროდუქტები, პარკოსნები და ალკოჰოლური სასმელები;

* სიმსუქნე – ჭარბი წონის დროს ორგანიზმში უფრო მეტი შარდმჟავა გამომუშავდება და თირკმელებს მისი გამოდევნა უჭირთ;

* ზოგიერთი ქრონიკული დაავადება და სამედიცინო მდგომარეობა, მაგალითად, ნებაზე მიშვებული არტერიული ჰიპერტენზია, დიაბეტი, მეტაბოლური სინდრომი, გულისა და თირკმლის დაავადებები;

* ზოგიერთი მედიკამენტი – ჰიპერტენზიის სამკურნალოდ გამოყენებული ზოგიერთი შარდმდენისა და ასპირინის მცირე დოზას შარდმჟავას დონის აწევა შეუძლია;

* პოდაგრის ოჯახური ისტორია – თუ თქვენი ოჯახის რომელიმე წევრს პოდაგრა აქვს, თქვენი დაავადების რისკიც იზრდება;

* ასაკი და სქესი – პოდაგრა მამაკაცებს უფრო ხშირად ემართებათ. ეს იმიტომ, რომ ქალის ორგანიზმში შარდმჟავას დონე ბუნებრივადაა უფრო დაბალი, თუმცა მენოპაუზის შემდეგ ის იმატებს და თითქმის კაცისას უტოლდება. ამის კვალობაზე, კაცებს პოდაგრა უმეტესად 30-დან 50 წლამდე ემართებათ, ხოლო ქალებთან სიმპტომატიკა შედარებით გვიან, მენოპაუზის შემდეგ იჩენს თავს;

* ბოლო პერიოდში გადატანილი ოპერაცია ან ტრავმა.

დაიმახსოვრეთ ის პროდუქტები, რომლებიც თქვენს სუფრაზე იშვიათად უნდა მოხვდეს: ღვიძლი, თირკმელი, ტვინი, ენა, ნებისმიერი ხორცი, განსაკუთრებით – ახალგაზრდა ცხოველისა, თევზი, ფრინველი, ლორი, კონსერვი, ხორცისა და თევზის ნახარში, მცენარეებიდან – პარკოსნები, სოკო, ბოლოკი, ყვავილოვანი კომბოსტო, შოკოლადი, ასევე – ჩაი, ყავა, კაკაო, ნებისმიერი ალკოჰოლური სასმელი, განსაკუთრებით - შამპანური.

სვით ბევრი წყალი – დღეში 1,5 ლიტრი მაინც. კარგია ტუტე მინერალური წყლები („ბორჯომი“).

კვირაში ერთხელ მოიწყვეთ განტვირთვის დღე (ხილის, ბოსტნეულის, ხაჭოსი). დააყენეთ წითელი მოცვი ჩაისავით (20 გრამი 1 ჭიქა მდუღარე წყალზე). მიიღეთ 1 სადილის კოვზი დღეში 3-4-ჯერ.

სამკურნალო რეცეპტები:

* 20-20 გრამი კრაზანა, გვირილის ყვავილი, ცაცხვის ყვავილი, დიდგულას ყვავილი აურიეთ ერთმანეთში, ჩაყარეთ ფაიფურის ჭურჭელში, დაასხით 1 ლიტრი მდუღარე წყალი, მჭიდროდ დაახურეთ თავზე და 15 წუთით ჩადგით ცხელი წყლის აბაზანაში. გააცივეთ ოთახის ტემპერატურაზე და გაფილტრეთ, დარჩენილი მასა გამოწურეთ. შეავსეთ 1 ლიტრამდე გადადუღებული წყლით და შედგით მაცივარში. მიიღეთ ნახევარ-ნახევარი ჭიქა დღეში 4-ჯერ, ჭამამდე 30 წუთით ადრე. ინახება მხოლოდ 3 დღე.

* 3 ჩაის კოვზ მარიამსხალას დაასხით 2 ჭიქა მდუღარე წყალი და 2 საათი გააჩერეთ თავდახურულ ჭურჭელში. შემდეგ გაფილტრეთ. მიიღეთ ნახევარი ჭიქა დღეში 4-ჯერ, ჭამამდე.

პოდაგრის გამწვავებისას მტკივანი სახსარი დაისუსხეთ ჭინჭრით, დილით კი ნავთით გაიწმინდეთ. დილაობით სვით ნივრისა და ლიმონის ნაყენი. ფიტოთერაპიის პარალელურად, დილა-საღამოს, ჭამამდე 40-60 წუთით ადრე ან ჭამიდან 2-3 საათის შემდეგ, მიირთვით ვაშლი.