რა არის ფენილკეტონურია და რა უნდა ვიცოდეთ ამ დაავადებაზე

ნიახურის ძირითადი სამკურნალო თვისებები

1. წნევის რეგულაცია: ნიახური შეიცავს ფთალიდებს, ნივთიერებებს, რომლებიც აწყნარებს სისხლძარღვების კედლებს, აფართოებს მათ და ამცირებს არტერიულ წნევას. ამიტომ ხშირად გამოიყენება ჰიპერტონიის საწინააღმდეგოდ.

2. დიურეზული (შარდმდენი) მოქმედება: ნიახური ხელს უწყობს ორგანიზმიდან ზედმეტი სითხისა და მარილების გამოდევნას. ეს განსაკუთრებით სასარგებლოა შეშუპების, პოდაგრისა და თირკმელკენჭოვანი დაავადებების დროს.

3. მაღალი ანტიოქსიდანტური მოქმედება: ნიახური მდიდარია C ვიტამინით, ბეტა-კაროტინითა და ფლავონოიდებით, რომლებიც ამცირებენ ანთებას და აფერხებენ დაბერების პროცესებს.

4. საჭმლის მონელების გაუმჯობესება: მისი ბოჭკოვანი სტრუქტურა აჩქარებს მონელებას, აუმჯობესებს ნაწლავთა მოქმედებას და ეხმარება ორგანიზმს ტოქსინების გამოდევნაში.

5. ნერვული სისტემის დამამშვიდებელი ეფექტი: ნიახური შეიცავს მაგნიუმსა და ეთერზეთებს, რომლებიც ამშვიდებენ ნერვულ სისტემას, ამცირებენ სტრესს და ხელს უწყობენ ძილის გაუმჯობესებას.

6. წონის რეგულაცია: ნიახური დაბალკალორიულია და შეიცავს ბევრ ბოჭკოს, რაც აძლიერებს დანაყრების შეგრძნებას. ამიტომ ეფექტურია დიეტის დროს.

7. გულისა და სისხლძარღვების ჯანმრთელობა: ნიახური ხელს უწყობს ქოლესტერინის დონის შემცირებას და იცავს გულს ათეროსკლეროზისგან.

8. სასქესო სისტემის გამაჯანსაღებელი: ტრადიციულ მედიცინაში ნიახური მიიჩნევა ბუნებრივ აფროდიზიაკად – იგი აძლიერებს სისხლის მიმოქცევას და ზრდის ენერგიას.

ხალხურ მედიცინაში გამოიყენება:

• ნიახურის წვენი – სვამენ დღეში 1–2 სადილის კოვზით საჭმლის მიღებამდე, სისხლძარღვთა გამაძლიერებლად და ნერვული დაძაბულობის მოსახსნელად;

• თესლის ნაყენი გამოიყენება, როგორც შარდმდენი და ანთების საწინააღმდეგო საშუალება.

ხალხური რეცეპტი, რომლებიც სხვადასხვა ჯანმრთელობის პრობლემას ეხმარება:

* მაღალი წნევის დასარეგულირებლად: 1 სადილის კოვზ დაფქულ ან წვრილად დაჭრილ ნიახურის ფესვს დაასხით, 1 ჭიქა ადუღებული წყალი წყალი. დააყენეთ, დაახლოებით, 30 წუთი და გაწურეთ. სვით ნახევარი ჭიქა დღეში 2-ჯერ, სასურველია დილით და საღამოს, ჭამამდე 30 წუთით ადრე.

* შუპებისა და თირკმელების გაწმენდისთვის: 2 სადილის კოვზ ნიახურის ახალ ფოთლებს დაასხით 1 ჭიქა მდუღარე წყალი. დააყენეთ 20-25 წუთი, შემდეგ გაწურეთ და სვით დღეში 2–3-ჯერ ნახევარი ჭიქა. ეს რეცეპტი შარდმდენად მოქმედებს და ეხმარება ორგანიზმს ზედმეტი სითხის გამოდევნაში.