ნიახურის სამკურნალო თვისებები

ნიახურის მთავარი სამკურნალო თვისებები:

1. სისხლის წნევის დაქვეითება – ნიახური შეიცავს ნივთიერებას, რომელიც ხსნის სისხლძარღვების სპაზმს და ეხმარება წნევის ბუნებრივად შემცირებაში;

2. შარდმდენი ეფექტი – ნიახური შარდმდენია, რაც სასარგებლოა შეშუპების, ნატრიუმის ჭარბობისა და თირკმელების სამკურნალოდ;

3. ანთების საწინააღმდეგო მოქმედება – მიიჩნევა, რომ მასში შემავალი ანტიოქსიდანტები ებრძვიან ანთებას, რაც მას სასარგებლოს ხდის სახსრების ტკივილისა და ქრონიკული ანთებითი დაავადებების დროს;

4. მონელების გაუმჯობესება – ნიახური შეიცავს ბოჭკოებს, რაც ეხმარება საჭმლის მონელებას და ხელს უშლის ყაბზობას;

5. ანტიოქსიდანტური ეფექტი – მასში არის ნივთიერებები, როგორიცაა ვიტამინი C, ბეტა-კაროტინი, ფლავონოიდები, რომლებიც იცავს უჯრედებს თავისუფალი რადიკალებისგან;

6. ნერვული სისტემის დამამშვიდებელი თვისებები – ტრადიციულ მედიცინაში ნიახურის წვენი გამოიყენებოდა შფოთვის, აგზნებადობისა და უძილობის საწინააღმდეგოდ.

როგორ გამოვიყენოთ სამკურნალოდ:

* ნიახურის წვენი – დილით უზმოზე წნევის დასარეგულირებლად ან საჭმლის მონელების გასაუმჯობესებლად;

* ჩაის სახით – ანთების საწინააღმდეგოდ და თირკმელებისთვის;

* გამხმარი ფოთლები – შეიძლება, გამოიყენო როგორც ჩაი ნერვების დასამშვიდებლად.

უძილობის მკურნალობა ნიახურით:

1. ნიახურის ჩაი – ნიახურის ფოთლები და წვენი ბუნებრივად აძლიერებს ნერვულ სისტემას და ამცირებს შებოჭილობას, რაც ღრმა ძილში დაგეხმარებათ.

მომზადება: 1 ჩაის კოვზი ნიახურის ფოთლებს დაასხით 1 ჭიქა მდუღარე წყალი. გააჩერეთ 10-15 წუთი, რომ ჩაი გაგრილდეს. დალიეთ, დაახლოებით, 30-40 წუთით ადრე, სანამ დასაძინებლად დაწვებით;

2. ნიახურის წვენი – ნიახურის წვენი ასევე სასარგებლოა ნერვების დასამშვიდებლად და სიმშვიდის შესანარჩუნებლად.

მომზადება: ახალი ნიახური გაატარეთ ხორცსაკეპ მანქანაში, გაწურეთ და მიიღეთ 1-2 ჩაის კოვზი წვენი დღეში ორჯერ (მოზრდილებისთვის). თუ წვენი თქვენთვის უსიამოვნო გემოსი იქნება, შეგიძლიათ, ცოტაოდენი თაფლიც დაამატოთ, რათა გემო გააუმჯობესოთ.