მკურნალობა ნივრით

ნივრის ძირითადი სამკურნალო თვისებები:

1. იმუნური სისტემის გამაძლიერებელი – ნიორი აძლიერებს ორგანიზმის თავდაცვით უნარს, ხელს უწყობს ვირუსებისა და ბაქტერიების წინააღმდეგ ბრძოლას და ხშირად გამოიყენება გაციების, გრიპისა და ინფექციების პრევენციისთვის.

2. ანტიბაქტერიული და ანტივირუსული მოქმედება – ნიორში შემავალი ალიცინი ძლიერი ბუნებრივი ანტიბიოტიკია, რომელიც ეფექტურად ებრძვის მავნე მიკროორგანიზმებს.

3. გულ-სისხლძარღვთა სისტემის დამცველი – რეგულარულად მიღება ამცირებს ქოლესტერინის დონეს, აფართოებს სისხლძარღვებს და ხელს უშლის არტერიულ წნევას. შედეგად, ამცირებს გულის დაავადებებისა და ინსულტის რისკს.

4. ანტიოქსიდანტური მოქმედება – ნიორი შეიცავს ნივთიერებებს, რომლებიც ანეიტრალებენ მავნე თავისუფალ რადიკალებს და ანელებენ დაბერების პროცესს.

5. სისხლის გამათხელებელი მოქმედება – ხელს უშლის თრომბების წარმოქმნას და აუმჯობესებს სისხლის მიმოქცევას.

6. მაღალი შაქრის დონის რეგულაცია – ხელს უწყობს ინსულინის გამომუშავებას და ეხმარება შაქრიანი დიაბეტის მქონე პირებს სისხლში გლუკოზის დონის კონტროლში.

7. საჭმლის მომნელებელი სისტემის გამაჯანსაღებელი – ნიორი აძლიერებს მადას, აუმჯობესებს საჭმლის გადამუშავებას და ეხმარება ნაწლავებს გამწმენდად მოქმედებაში.

8. ანტიპარაზიტული თვისება – ცნობილია, რომ ნიორი ეფექტურად ებრძვის ნაწლავურ პარაზიტებსა და ჭიებს.

9. საშარდე სისტემის დამცველი – ხელს უწყობს თირკმელებისა და შარდის ბუშტის ჯანმრთელობას, განსაკუთრებით ანთებითი პროცესების დროს.

10. კანისა და თმისთვის სასარგებლო – ნიორი აუმჯობესებს სისხლის მიმოქცევას კანის ზედაპირზე, აჩქარებს ჭრილობების შეხორცებას და ზოგჯერ თმის ცვენის საწინააღმდეგოდაც გამოიყენება.

* გაციებისა და გრიპის წინააღმდეგ რეცეპტი: ერთი კბილი ნიორი კარგად გაჭყლიტეთ და აურიეთ ერთი ჩაის კოვზი თაფლი. მიიღეთ ძილის წინ რამდენიმე დღის განმავლობაში. შედეგი – ამცირებს ცხვირის დახშობას, ხველას და აძლიერებს იმუნურ სისტემას;

* მაღალი წნევის დასარეგულირებლად რეცეპტი: დაჭყლიტეთ 3-4 კბილი ნიორი და დააყენეთ ერთ ჭიქა თბილ წყალში 6-8 საათით (საღამოს მოამზადეთ და დილით დალიეთ ცარიელ კუჭზე). შედეგი – ამცირებს არტერიულ წნევას და აძლიერებს გულის მუშაობას;

* ქოლესტერინის დასაწევად რეცეპტი: ნივრის 4 თავი (არა კბილი, რამედ მთელი თავი) გაასუფთავეთ, დაასხით ნახევარი ლიტრი არაყი ან სპირტი და დააყენეთ ბნელ ადგილას 10 დღე. მიიღეთ დღეში 2-3-ჯერ, წყალში გახსნილი თითო ჩაის კოვზი.

შენიშვნა: არ შეიძლება, ალკოჰოლური ნაყენის მიღება ორსულობისას, ძუძუთი კვების პერიოდში ან ღვიძლის დაავადებისას;

* ნაწლავური პარაზიტების საწინააღმდეგოდ რეცეპტი: ნიორი დააყენეთ თბილ რძეში და დალიეთ ცარიელ კუჭზე 5 დღის განმავლობაში. შედეგი – გაწმენდს ნაწლავებს და ებრძვის პარაზიტებს.