მალთაშუა თიაქარი - მიზეზები და პროფილაქტიკა

რა სიმპტომებით ამოვიცნობთ მალთაშუა თიაქარს?
* კისრის ნაწილის მალთაშუა თიაქარს ახასიათებს თავის ტკივილი და თავბრუ. თუმცა, ტკივილი მხარსა და მკლავშიც გადაეცემა. შესაძლოა, გამოიწვიოს თითებში მგრძნობელობის დაკარგვა, შესაძლოა, უძილობა და არტერიული წნევის ცვალებადობა;
* გულმკერდის მალთაშუა თიაქარს ახასიათებს ღრმა სუნთქვა, გულმკერდის არეში ტკივილი – განსაკუთრებით მკვეთრი მოძრაობებისას;
* წელის ნაწილის მალთაშუა თიაქარს ახასიათებს წელის არეში ტკივილი, რომელიც ხელს უშლის მოძრაობას. შესაძლოა, გამოიწვიოს ფეხების, თეძოების, წვივების, ტკივილი. ტკივილს ზოგჯერ თან ახლავს მგრძნობელობის დაკარგვა.
როგორ ვუმკურნალოთ მალთაშუა თიაქარს?
* პირველ რიგში ვარჯიშით. მნიშვნელოვანია სპეციალურად შემუშავებული ვარჯიშის შესრულება რეგულარულად, რაც ხელს უწყობს ხერხემლის დისკების გასწორებას და სტაბილიზაციას; სპეციალისტის მიერ ჩატარებული მასაჟი; ხერხემლის ჰორიზონტალური გაჭიმვა წყალში - რომელსაც ატარებს ექიმი და მედიკამენტური თერაპია. მკურნალობის ერთ-ერთ მეთოდს წარმოადგენს ჰომეოპათია. ძალზედ სასარგებლოა მალთაშუა თიაქრის მკურნალობა კურორტზე. სანატორულ-საკურორტო მკურნალობა ახდენს ანთების კუპირებას, სიმპტომების მინიმიზაციას და რაც მთავარია, ათავისუფლებს ადამიანს მტანჯველი ტკივილისგან და უბრუნებს სრულფასოვანი ფიზიკური აქტივობის უნარს.
ვინ შედის რისკის ჯგუფში?
* ის, ვისაც აწუხებს ხერხემლის გამრუდება;
* ჭარბი წონა;
* დიდ დროს ატარებს მჯდომარე მდგომარებაში;
* ის, ვინც ხშირად სწევს სიმძიმეებს;
* მიეკუთვნება 25-50 წლამდე ასაკობრივ კატეგორიას.
პროფილაქტიკისთვის გაითვალისწინეთ შემდეგი რჩევები:
* მოერიდეთ სიმძიმეების აწევას;
* ყავის ნაცვლად დალიეთ მცენარეული ჩაი;
* დაადგინეთ თქვენი ოპტიმალური წონა და შეეცადეთ, მოიშოროთ ზედმეტი კილოგრამები;
* აუცილებელია ჯანსაღი ცხოვრების წესი;
* მოერიდეთ ალკოჰოლის მიღებას;
* უარი თქვით თამბაქოზე;
* იკვებეთ დაბალანსებულად;
* მოიშორეთ ზედმეტი წონა, დროულად გამოავლინეთ ანთებითი პროცესები და სხვა დაავადებები და იმკურნალეთ.