ლიმონის გასაოცარი თვისებები

ლიმონის ძირითადი სამკურნალო მიმართულებები:

1. იმუნიტეტის გაძლიერება და ანტივირუსული მოქმედება ლიმონი C ვიტამინისა და ფლავონოიდების საუკეთესო წყაროა:

• გაციება და გრიპი – ის ეხმარება ორგანიზმს ვირუსებთან ბრძოლაში, ამცირებს ცხელებას და ამშვიდებს ყელის ტკივილს;

• ანტისეპტიკური თვისება – ლიმონის წვენს აქვს ბაქტერიოციდული მოქმედება. მას შეუძლია 20-მდე სახეობის ბაქტერიის განადგურება.

2. გულ-სისხლძარღვთა სისტემა. ლიმონში შემავალი ვიტამინი P (ციტრინი) C ვიტამინთან კომბინაციაში აძლიერებს სისხლძარღვების კედლებს და ხდის მათ უფრო ელასტიკურს:

• ჰიპერტენზია – კალიუმის მაღალი შემცველობის გამო ლიმონი სასარგებლოა მაღალი არტერიული წნევის დროს;

• ათეროსკლეროზი – ის ხელს უწყობს „ცუდი” ქოლესტერინის დონის შემცირებას და სისხლძარღვების გაწმენდას;

3. საჭმლის მონელება და ნივთიერებათა ცვლა - ლიმონის წვენი სტრუქტურით წააგავს კუჭის წვენს, რაც ეხმარება ღვიძლს ნაღვლის გამომუშავებაში:

• დეტოქსიკაცია – დილით უზმოზე თბილი ლიმონიანი წყლის დალევა „აღვიძებს“ ნივთიერებათა ცვლას და ეხმარება ორგანიზმს ტოქსინების გამოდევნაში;

• წონის კონტროლი – ლიმონში შემავალი პექტინი (უჯრედისი) თრგუნავს შიმშილის გრძნობას.

4. თირკმელების ფუნქცია - ლიმონმჟავა ხელს უშლის თირკმელებში კენჭების წარმოქმნას. ის ზრდის შარდის მოცულობას და pH დონეს, რაც ქმნის არახელსაყრელ გარემოს კრისტალიზაციისთვის.

5. კანისა და პირის ღრუს მოვლა:

• კანი – ლიმონის ანტიოქსიდანტები ებრძვიან თავისუფალ რადიკალებს, რაც აფერხებს დაბერების პროცესს და აქრობს პიგმენტურ ლაქებს;

• ღრძილები – ლიმონის წვენი გამოიყენება ღრძილებიდან სისხლდენის შესაჩერებლად და კბილის ტკივილის შესამსუბუქებლად.

პოპულარული ხალხური რეცეპტები:

• იმუნიტეტის „ელიქსირი” – გაატარეთ ხორცსაკეპში 2 ცალი ლიმონი (კანიანად). აურიეთ 200 გრ თაფლში და დაუმატეთ დაჭრილი ნიგოზი. მიიღეთ თითო სადილის კოვზი დღეში 3-ჯერ;

• ყელის ტკივილისას – 1 სადილის კოვზი ლიმონის წვენი გახსენით ნახევარ ჭიქა თბილ წყალში და გამოივლეთ ყელში ყოველ 2 საათში ერთხელ.

* „ვიტამინური ბომბი” – საუკეთესოა ზამთარში და გაზაფხულზე იმუნიტეტის გასაძლიერებლად და ორგანიზმის გამოსაკვებად. ინგრედიენტები: 2 ცალი ლიმონი, 200 გრამი თაფლი, 100 გრამი ნიგოზი, 100 გრამი ჩირი (გარგარი ან ქიშმიში). ლიმონი გარეცხეთ, დაჭერით და კურკები გამოაცალეთ (კანი დატოვეთ). გაატარეთ ხორცსაკეპში ან დააბლენდერეთ ნიგოზთან და ჩირთან ერთად. აურიეთ თაფლში. მიიღეთ 1 სადილის კოვზი დღეში 2-ჯერ, ჭამამდე 30 წუთით ადრე.

* ლიმონი და ნიორი სისხლძარღვების გასაწმენდად – ეს ძველი მეთოდია, რომელიც ხელს უწყობს ქოლესტერინის დონის შემცირებას და არტერიული წნევის დარეგულირებას. ინგრედიენტები: 4 თავი ნიორი, 4 საშუალო ზომის ლიმონი. ნიორი გაასუფთავეთ, ლიმონი კარგად გარეცხეთ. ორივე ინგრედიენტი კანიანად გაატარეთ ხორცსაკეპში. მასა მოათავსეთ 3-ლიტრიან ქილაში და ბოლომდე შეავსეთ თბილი, გადადუღებული წყლით. გააჩერეთ 3 დღე გრილ ადგილას, შემდეგ გადაწურეთ. მიიღეთ 50-100 მილილიტრი დღეში 3-ჯერ (თუ კუჭის პრობლემები არ გაქვთ). შეინახეთ მაცივარში.

* ყელის ტკივილისა და ხველის დროს – ლიმონი თაფლთან ერთად არბილებს ყელს და კლავს ბაქტერიებს. ნახევარი ლიმონის წვენი შეურიეთ 1 სადილის კოვზ ნატურალურ თაფლს. ნელ-ნელა დააგემოვნეთ (შეისრუტეთ), რომ წამალი ყელზე დიდხანს გაჩერდეს. გაიმეორეთ დღეში რამდენჯერმე.