ქაცვი – საუკეთესო მკურნალი

ხალხურ მედიცინაში ქაცვის ნაყოფს, ნახარშის სახით, იყენებდნენ კუჭის დაავადების დროს, ტოტებისა და ფოთლების ნახარშს – კუჭის აშლილობის საწინააღმდეგოდ, ხოლო თესლის ნახარშს – როგორც საღაფარათო საშუალებას. კუჭისა და თორმეტგოჯა ნაწლავის წყლულის სამკურნალოდ, დამწვრობის დროს კი სახლის პირობებში სხვადასხვა წესით გამოხდილ ქაცვის ზეთს ხმარობენ.

ქაცვის ნაყოფის ნახარშს, რომელსაც კუჭის დაავადების დროს სვამენ, ამზადებენ შემდეგნაირად:

👉3 სუფრის კოვზ ნაყოფს დაასხით 0,5 ლიტრი ცხელი წყალი, ადუღეთ 10 წუთის განმავლობაში ნელ ცეცხლზე. გადაწურეთ, დაუმატეთ თაფლი გემოვნებით და მიიღეთ როგორც ჩაი, დღეში 2-3 ჭიქა.

კუჭისა და თორმეტგოჯა ნაწლავის წყლულის მკურნალობის დროს სვამენ ქაცვის ზეთს:

👉1 ჩაის კოვზი 3-ჯერ დღეში ჭამის წინ, 3-4 კვირის განმავლობაში. მკურნალობის პირველი 3-4 დღის განმავლობაში შეიძლება გაძლიერდეს გულძმარვა, მჟავე ბოყინი. ამ მოვლენების თავიდან ასაცილებლად ქაცვის ზეთში, მიღებამდე, გაურიეთ 1/4 ჭიქა 2-პროცენტიანი სოდის ხსნარი, კარგად შეანჯღრიეთ და ისე დალიეთ. სისტემატური მიღების დროს მცირედ ან სრულად ქრება ტკივილი, გულძმარვა, ბოყინი. კუჭის მჟავიანობაზე ქაცვის ზეთი მნიშვნელოვნად არ მოქმედებს.

რევმატიზმისა და წყლულის სამკურნალოდ:

👉ერთმანეთს შეურიეთ 0,5 ჭიქა ქაცვის წვენი და ამდენივე რძე, დაუმატეთ 1 სუფრის კოვზი თაფლი და მიიღეთ დღეში 3-ჯერ, ჭამამდე 15-20 წუთით ადრე.

უძილობისა და გადაღლილობის დროის:

👉ერთმანეთს შეურიეთ 3 ჭიქა ქაცვის წვენი და 0,5 ჭიქა პიტნის ნახარში, დაუმატეთ 50 გრამი თაფლი და 1 ჭიქა ცხელი წყლით გააზავეთ. დადგით მაცივარში 2 საათი. მიიღეთ 1/4 ჭიქა ჭამამდე 30 წუთით ადრე.

გაციებისა და ყელის ტკივილის დროს ქაცვი ბევრ პრობლემას მოგიგვარებთ, ამისთვის კი, მხოლოდ ქაცვი და თაფლი დაგჭირდებათ:

👉მინის სუფთა ქილაში ჩაყარეთ გარეცხილი და გამშრალი კენკრა, დაასხით ნატურალური თაფლი და შეინახეთ კარადაში. რამდენიმე დღეში კი უებარი იმუნოსტიმულატორი მზადაა – შეგიძლიათ, მიიღოთ 1-2 ჩაის კოვზი დილაობით, უზმოზე.

✔️ქაცვზე უფრო ძვირფასი პროდუქტი ჯანმრთელობისთვის არ არსებობს. ეს კენკრა განსაკუთრებით სასარგებლოა მათთვის, ვისაც გულ-სისხლძარღვთა დაავადებები, არტერიული წნევის ცვალებადობა და პირის ღრუში ანთებითი პროცესები აწუხებს.

✔️ქაცვი კურნავს თირკმლებსა და ღვიძლს, აქვეითებს სისხლში ქოლესტერინის დონეს, აბრკოლებს კიბოს აღმოცენებას.

✔️ყველაზე საოცარი ისაა, რომ კენკრა სამკურნალო თვისებებს თერმული დამუშავებისა და გაყინვის დროსაც კი ინარჩუნებს.

✔️2 სუფრის კოვზი კენკრა ვიტამინებისა და სასარგებლო ნივთიერებების დღიურ დოზას შეიცავს.