გავხდეთ უფრო ენერგიულები

1. სრულფასოვანი ძილი – ენერგიის ძირითადი წყარო ხარისხიანი ძილია. საჭიროა საშუალოდ 7–8 საათი უწყვეტი ძილი. უნდა დაიძინოთ ერთსა და იმავე დროს, რათა ორგანიზმი მიჩვეული იყოს რეგულარულ ბიორიტმს.

2. სწორი კვება – მიირთვით ხშირად, მაგრამ მცირე ულუფებით — დღეში 4–5-ჯერ; რაციონში ჩართეთ ენერგიის მომცემი პროდუქტები: ბანანი, შვრია, თხილი, გოგრა, თაფლი, შოკოლადი (მუქი), ხორბლის წანაზარდები და კვერცხი; მოერიდეთ მძიმე, ცხიმიან ან გადამუშავებულ საკვებს, რომლებიც ამცირებს ენერგიის დონეს.

3. ჰიდრატაცია – წყლის უკმარისობა ხშირად იწვევს დაღლილობას. დალიეთ დღეში, მინიმუმ, 1,5-2 ლიტრი სუფთა წყალი.

4. ფიზიკური აქტივობა – მოკლე გასეირნება, იოგა ან მსუბუქი ვარჯიში ზრდის სისხლის მიმოქცევას და ტვინამდე ჟანგბადის მიწოდებას, რაც ენერგიას უმატებს.

5. სუფთა ჰაერი და მზის შუქი – მზის სინათლე აუმჯობესებს D ვიტამინის გამომუშავებას და აწესრიგებს მელატონინის დონეს, შესაბამისად, ორგანიზმი თავს უფრო ენერგიულად გრძნობს.

6. ფსიქოლოგიური განწყობა – სტრესი ენერგიას „გამოგაცლის”. ეცადეთ, დღის განმავლობაში ცოტა დრო დაუთმოთ იმ აქტივობას, რაც გსიამოვნებთ – მუსიკა, წიგნი, მედიტაცია ან ბუნებაში გასვლა.

7. B ჯგუფის ვიტამინები – ისინი პასუხისმგებელნი არიან ენერგიის წარმოქმნაზე უჯრედულ დონეზე. განსაკუთრებით სასარგებლოა ბრინჯი, დაღერღილი პური, შვრია, კვერცხი, თხილი და მწვანე ბოსტნეული.

8. რეგულარული განტვირთვა – არ უნდა „აიტანო” გადაღლილობა. ორგანიზმს სჭირდება პერიოდული შესვენება, თუნდაც 10–15 წუთი დღეში.

9. სტრესის მართვა – სტრესი ენერგიას „წოვს”. დაძაბულობისას ღრმად ისუნთქეთ. კარგია მსუბუქი გასეირნება. საუკეთესოა, თუ დღის განმავლობაში მცირე დასვენების მომენტებს ჩაამატებთ.

10. სწორი გარემო – თავი აარიდეთ ადამიანებს ან სიტუაციებს, რომლებიც ენერგიას გაკარგვინებენ. შექმენით ისეთი გარემო, სადაც თავს მშვიდად და კომფორტულად იგრძნობთ.

11. ტექნოლოგიური დისციპლინა – ეკრანის წინ დიდი ხნით ყოფნა ტვირთავს ტვინს და ამცირებს ყურადღებას. დღეში რამდენჯერმე გამორთეთ ტელეფონი ან კომპიუტერი რამდენიმე წუთით, რათა ტვინმა დაისვენოს.

12. პოზიტიური ფიქრი – ნეგატიური აზრები ენერგიას ყველაზე სწრაფად ხარჯავს. ეცადეთ, ყურადღება მიმართოთ იმაზე, რაც შეგიძლიათ, შეცვალოთ და არა იმაზე, რაც თქვენს კონტროლს გარეთაა.