ექიმის რჩევები

პასუხი: ასეთი ხასიათის ტკივილის უყურადღებოდ დატოვება არ შეიძლება. მსგავსი სიმპტომების დროს, პირველ რიგში, საჭმლის მომნელებელი სისტემის პათოლოგიებს ვვარაუდობთ – კუჭუკანა ჯირკვლის ანთება/პანკრეატიტი, ნაღველ-კენჭოვანი დაავადება, კუჭისა და თორმეტგჯა ნაწლავის წყლულოვანი პათოლოგია.... ასევე, ანალოგიური სურათი შეიძლება, იყოს სტენოკარდიული შეტევის დროს. ამიტომ არ გადადოთ კლინიკაში ვიზიტი. დიაგნოზის დაზუსტებისთვის აუცილებელია ლაბორატორიული და ინსტრუმენტული კვლევების ჩატარება.

კითხვა: რა შემთხვევაში გადაეცემა სექსის დროს C ჰეპატიტის ვირუსი და რა შემთხვევაში არა?

პასუხი: C ჰეპატიტით დასნებოვნების აუცილებელი პირობაა ვირუსით დაბინძურებული სისხლის კონტაქტი მეორე ადამიანის სისხლთან. C ჰეპატიტი მიეკუთვნება სქესობრივი გზით გადამდებ დაავადებათა ჯგუფს. რისკი დიდია, თუ სქესობრივი კონტაქტს თან სდევს სისხლდენა. უსაფრთხოების მიზნით C ჰეპატიტით დაავადებულთან ან ვირუსმატარებელთან სქესობრივი კავშირის დროს რეკომენდებულია პრეზერვატივის გამოყენება, ხოლო დაუცველი კონტაქტისას მაქსიმალურად უნდა აიცილოთ საშოს ტრავმირება.

კითხვა: ძალიან მალე ვთვრები, ასე, 3 ჭიქაში. ჩემმა მეგობრებმა კი – 10 მაინც უნდა დალიონ. წლებია, კეფის ნერვის ნევრალაგია მაქვს.. შეიძლება, ეს იყოს მიზეზი?

პასუხი: შესაძლოა, ღვიძლი არ გამოიმუშავებს საჭირო კონცენტრაციით ორ მთავარ ფერმენტს – ალკოჰოლდეჰიდროგენაზას და ალდეჰიდ დეჰიდროგენაზას. ეს ფერმენტები ალკოჰოლის გადამუშავებას უზრუნველყოფს. ამიტომ უნდა დალიოთ მხოლოდ იმდენი, რამდენის ატანაც თქვენს ორგანიზმს შეუძლია.