ექიმის რჩევები

პასუხი: დიახ, შესაძლებელია, ერთდროულად გქონდეთ როგორც მიოპია (ახლომხედველობა), ასევე ასტიგმატიზმი. ეს საკმაოდ გავრცელებული კომბინაციაა. სფერული მაჩვენებელი (მაგალითად, -2.75, -3.5) აღნიშნავს მიოპიას, ხოლო ცილინდრული მაჩვენებელი (მაგალითად, -2.75, -2.5) აღნიშნავს ასტიგმატიზმს. რაც შეეხება ასტიგმატიზმის ხარისხს, ზოგადად, მიიჩნევა: მსუბუქი – 0.25-დან 1.0-მდე; საშუალო – 1.25-დან 2.0-მდე; მაღალი – 2.0-ზე მეტი. თქვენ გაქვთ მაღალი ხარისხის ასტიგმატიზმი ორივე თვალში (-2.75 მარჯვენა და -2.5 მარცხენა თვალში), რაც სპეციალური ყურადღების საგანია. თუმცა, თანამედროვე სათვალეები და კონტაქტური ლინზები ეფექტურად ასწორებენ როგორც მიოპიას, ისე ასტიგმატიზმს. რეკომენდებულია რეგულარული ვიზიტები ოფთალმოლოგთან, რათა თვალყური ადევნოთ თქვენი მხედველობის მდგომარეობას.

კითხვა: ბავშვს სამშობოაროშივე გაუკეთეს ბცჟ ვაქცინა, 2 წლისაა და არანაირი ინიექციის კვალი არა აქვს, ეჭვი მეპარება – ხომ ნამდვილად ჩაუტარეს?

პასუხი: სავარაუდოდ, აცრა ნამდვილად ჩაუტარდა. ბცჟ (BCG) ვაქცინაციის შემდეგ ნაწიბურის არარსებობა არ არის იშვიათი მოვლენა (ნორმის ფარგლებშია). ეს არ ნიშნავს, რომ იმუნიტეტი არ განვითარდა.

კითხვა: რა განსხვავებაა კოფეინსა და ადრენალინს შორის? ვიცი, რომ ადრენალინი გულს აჩქარებს. მაინტერესებს, კოფეინიც ხომ არ აჩქარებს და კაკაო რომელს შეიცავს – ადრენალინს თუ კოფეონს?

პასუხი: ადრენალინი და კოფეინი სხვადასხვა ნივთიერებებია. კაკაო შეიცავს კოფეინს, თუმცა უფრო ნაკლებს, ვიდრე მაგალითად, ყავა. ადრენალინი და კოფეინი ორივე აძლიერებს და ახშირებს გულისცემას.

რუბრიკას უძღვება ოჯახის ექიმი

მაია ნუცუბიძე