ექიმის რჩევები

პასუხი: ChildLife-ის ექინაცეას და იმუნიტეტის გამაძლიერებელ სიროფს, იმუნიტეტის ასამაღლებლად მუდმივად არ იყენებენ. ეს პროდუქტები, როგორც წესი, გამოიყენება მოკლე კურსებით, განსაკუთრებით მაშინ, როდესაც ბავშვი ავადდება ან ავადმყოფობის დასაწყისში, რათა დაავადება სწრაფად გადაიტანოს და დაეხმაროს ორგანიზმს. სტანდარტული რეკომენდაციაა ექინაცეას მიღება 8-10 დღის განმავლობაში ან მაქსიმუმ 2 კვირამდე, რადგან მიიჩნევა, რომ ხანგრძლივმა და უწყვეტმა მიღებამ შესაძლოა, დროთა განმავლობაში შეამციროს მისი ეფექტიანობა

კითხვა: სინუსიტი და ჰაიმორიტი აზიანებს თუ არა თვალს? იწვევს თუ არა სიმშრალეს, ანთებას და მოქმედებს თუ არა მხედველობაზე?

პასუხი: ზედა სასუნთქი გზების ანთებითმა პროცესებმა, განსაკუთრებით კი სინუსიტმა და ჰაიმორიტმა, შესაძლოა, გავლენა მოახდინოს თვალზე, რადგან წიაღები უშუალო სიახლოვესაა თვალბუდეებთან. ინფექციის გავრცელებამ ან ძლიერმა შეშუპებამ შეიძლება, გამოიწვიოს თვალის ქსოვილების გაღიზიანება, წნევის შეგრძნება, პერიოდული დანისლვა ან თვალის გარსების ანთება, რაც ხშირად სიმშრალითა და სიწითლით გამოიხატება.

კითხვა: მაინტერესებს იბუპროფენის ან პარაცეტამოლის დოზა 10 წლის ბავშვისთვის. წონა – 33 კილოგრამი.

პასუხი: პედიატრთან კონსულტაციის გარეშე დოზის თვითნებურად რეგულირება არ არის რეკომენდებული. ბავშვებისთვის იბუპროფენისა და პარაცეტამოლის დოზები ინდივიდუალურია წონის, ასაკის, სიმპტომების, ჯანმრთელობის მდგომარეობისა და სხვა მედიკამენტების მიღების გათვალისწინებით. მნიშვნელოვანია: პარაცეტამოლი უფრო უსაფრთხოა გაციების, ტემპერატურისა და მსუბუქი ტკივილების დროს, იბუპროფენი კი უფრო ეფექტურია ანთებითი სიმპტომებისას, მაგრამ შეიძლება დააზიანოს კუჭ-ნაწლავი.