ექიმის რჩევები

პასუხი: სისხლის ანალიზში ცვლილება, უპირველესად, ფერიტინის დონის დაქვეითებით ჩნდება, ხოლო რკინის ასამაღლებლად აუცილებელია ხორცის პიურე, ბოსტნეული და ხილი C ვიტამინით. პარალელურად, საჭიროა, პედიატრმა კუჭ–ნაწლავის ჯანმრთელობა შეაფასოს.

კითხვა: დამიდგინდა ბადურის დისტროფია. ვარ 31 წლის. ექიმმა სიმძიმეებით ვარჯიში ამიკრძალა და დამინიშნა მკურნალობა წვეთებისა და აბების სახით. მთელი ცხოვრებაა ვვარჯიშობ და მაინტერესებს, ასეთ დროს აზიდვებიც არ შეიძლება?

პასუხი: ეს საკითხი ინდივიდუალურია და დიდწილად დამოკიდებულია თქვენი დისტროფიის ხარისხსა და სპეციფიკაზე. აზიდვების დროს, დიდი დატვირთვა სხეულის ზედა ნაწილზე მოდის, რაც თავის მხრივ, ზრდის წნევას თავისა და თვალის მიდამოში. ამან შესაძლოა, დააზიანოს ბადურა ან გაზარდოს მისი მოწყვეტის რისკი. ამიტომ ექიმთან ერთად უნდა დაადგინოთ. თქვენს შემთხვევაში დასაშვები ვარჯიშების ნუსხა.

კითხვა: მითხრეს, რომ საჭიროა ჰელიკობაქტერიის სუნთქვის ტესტის გაკეთება. მხოლოდ სოდიანი წყალი მაქვს მიღებული, ისიც სამი დღის წინ. კიდევ რამდენი დღე უნდა დავაყოვნო ტესტამდე?

პასუხი: ჰელიკობაქტერ პილორის სუნთქვის ტესტისთვის მნიშვნელოვანია, რომ ბოლო 2-4 კვირის განმავლობაში არ მიიღოთ პრობიოტიკები, ანტიბიოტიკები ან პროტონული ტუმბოს ინჰიბიტორები (მაგალითად, ომეპრაზოლი, პანტოპრაზოლი). სამი დღის წინ მიღებული სოდიანი წყალი, როგორც წესი, ტესტს ხელს არ უშლის. ტესტის დღეს არ მიირთვათ არაფერი, მხოლოდ წყალია ნებადართული.

რუბრიკას უძღვება ოჯახის ექიმი

მაია ნუცუბიძე